Նեում

Նեումը Բոսնիա և Հերցեգովինայի միակ բնակավայրն է, որը ելք ունի դեպի Ադրիատիկ ծով։ Այն տեղակայված է պետության հարավային հատվածում՝ Բոսնիա և Հերցեգովինայի Դաշնությունում։ Հյուսիսում և հարավում սահամանակցում է խորվաթական Դուբրովնիկ Ներետվայի հետ։ Նեումի ձգվածությունը մինչև խորվաթական սահմանները կազմում է 9 կմ^[2]։

Շնորհիվ նրա ծովափնյա տեղադրությանը, Նեումը համարվում է պետության ամենատաք բնակավայրը՝ մերձարևադարձային միջերկրածովյան կլիմայով։ Տեղումների տարեկան միջին քանակը կազմում է 1000 մմ։ Մաքուր ծովը և շարունակ ամառը Նեումին դարձրել են հայտնի հանգստավայր։

Տարածքը, որի վրա տեղակայված է Նեումը, հին և միջին ժամանակներում հարուստ պատմական իրադարձությունների արդյունքում մեկ հզորագույն միջերկրածովյան տերությունից փոխանցվել է մյուսին։ XIV դարում եղել է Դուբրովնիկի հանրապետության կազմում, բայց 1699 թվականին, Օսմանյան կայսրության համար անհաջող պատերազմից հետո, Կառլովիցի հաշտության պայմանագրի համաձայն, Դալմաթիան անցել է Վենետիկի տիրապետության տակ։ Դուբրովնիկը, որպեսզի հետագայում վենետիկցիներին հնարավորություն չթողնի իր վրա հարձակվել ցամաքից, Նեումը զիջել է Օսմանյան կայսրությանը։ Երկրորդ համաշխարհային պատերազմի ժամանակ Նեումը պատկանել է Խորվաթիային։ 1945 թվականին վերջնականապես Նեումը անցել է Բոսնիա և Հերցեգովինային, երբ Հարավսլավիայի կազմում կազմավորվել էին նոր հանրապետություններ։ 1992 թվականին, Բոսնիա և Հերցեգովինայի Հարավսլավիայի կազմից դուրս գալուց հետո, Նեումի հյուսիսում և հարավում հայտնվեցին սահմանային դիրքեր։

1995 թվականից Նեումում անցկացվող ամենախոշոր մշակութային իրադարձությունը համարվում է խորվաթական երաժշտական «Etnofest Neum» փառատոնը։

• Նեում քաղաքի պաշտոնական կայքէջը

Վիքիպահեստն ունի նյութեր, որոնք վերաբերում են «Նեում» հոդվածին։