Ջեքսոն Ռոբերտ Սքոթ

Ջեքսոն Ռոբերտ Սքոթ; անգլ.՝ Jackson Robert Scott
Ծնվել է	սեպտեմբերի 18, 2008 (15 տարեկան)
Ծննդավայր	Ֆինիքս, ԱՄՆ
Քաղաքացիություն	ԱՄՆ
Մասնագիտություն	դերասան

Ջեքսոն Ռոբերտ Սքոթ (անգլ.՝ Jackson Robert Scott, սեպտեմբերի 18, 2008(2008-09-18)^[1], Ֆինիքս, ԱՄՆ), ամերիկացի դերասան։ Առավել հայտնի է «Այն» և «Այն 2» ֆիլմերում կատարած Ջորդի Դենբրոյի և «Լոքերի բանալիները» սերիալում կատարած Բոդի Լոկի դերերով^[2]։

Կարիերա

Սքոթի առաջին դերը դարձել է «Մտածել ինչպես հանցագործ» ամերիկյան սերիալի Քոուլ Վասկեսի դերը։ Նա նկարահանվել է 11-րդ եթերաշրջանի չորրորդ էպիզոդում, որը թողարկվել է 2015 թվականի հոկտեմբերի 21-ին^[3]։

2016 թվականին նկարահանվել է «Այն» ֆիլմի Ջորդի Դենբրոյի դերում, որի էկրանավորումը կայացել է Սթիվեն Քինգի համանուն վեպի հիման վրա։ Նա այցելել է ֆիլմի պրեմիերային, որը տեղի է ունեցել TCL չինական կինոթատրոնում^[4]^[5]։ Երկու տարի անց կայացել է ֆիլմի շարունակության («Այն 2») պրեմիերան, որտեղ Սքոթը խաղացել է Ջորդի Դենբրոյի դերը։

2018 թվականին նկարահանվել է ռեժիսոր Գայա Նաթիվայի «Մաշկ» կարճամետրաժ ֆիլմում, որը 2019 թվականին՝ «Օսկար»-ի 91-րդ մրցանակաբաշխության ժամանակ, լավագույն խաղային կարճամետրաժ ֆիլմի համար ստացել է «Օսկար» մրցանակ^[6]^[7]։

2019 թվականին Սքոթը նկարահանվել է ռեժիսոր Նիկոլաս Մակքարթիի «Օմեն։ Վերածնունդ» ֆիլմում^[8]։

Անդրես Մուսքեթին, որը Սկոթի հետ խաղացել է «Այն» ֆիլմում, նրան հրավիրել է «Լոքերի բանալիները» սերիալի գլխավոր դերերից մեկը խաղալու։ Սքոթը խաղացել է Բոդի Լոկի՝ ընտանիքի կրտսեր երեխայի դերը^[9]։ Պիլոտային սերիայի նկարահանումներից հետո Hulu-ը որոշել է չպատվիրել սերիալը^[10], սակայն հետո Netflix ընկերությունը ձեռք է բերել էկրանավորման իրավունքը՝ նախկին դերասանական կազմից թողնելով միայն Ջեքսոն Ռոբերտ Սքոթին^[11]։ Netflix-ով սերիալի առաջին եթերաշրջանը թողարկվել է 2020 թվականի փետրվարի 7-ին^[12]։ 2020 թվականի մարտին տրված հարցազրույցում Սքոթը խոստովանել է, որ Բոդի Լոկը դարձել է այդ պահին նրա խաղացած կերպարներից ամենասիրելին, քանի որ նրա և իր կերպարի միջև կան շատ ընդհանրություններ, մասնավորապես, նրանք երկուսն էլ սիրում են բեկոն և ուրախ են^[13]։

Ֆիլմագրություն

Ֆիլմեր

Տարի	Անվանում	Դեր	Ծանոթագրություն
2017	Այն	Ջորդի Դենբրո
2018	Մաշկ	Թրոյ	«Օսկար» մրցանակ լավագույն խաղային կարճամետրաժ ֆիլմի համար
2019	Օմեն։ Վերածնունդ	Մայլզ Բլում
2019	Այն 2	Ջորդի Դենբրո
2020	Թեթև ծալքեր	Թեյթ Միլիկին

Հեռուստասերիալներ

Տարի	Անվանում	Դեր	Ծանոթագրություն
2015	Մտածել ինչպես հանցագործ	Քոուլ Վասկես	4.11 էպիզոդ
2017	Վախեցեք քայլող մեռյալներից	Թրոյ Օտո	3.3 էպիզոդ
2020	Լոքերի բանալիները	Բոդի Լոկ	Գլխավոր դեր

Անձնական կյանք

Սքոթը ծնվել և մեծացել է Արիզոնա նահանգի Ֆինիքս քաղաքում։ Դպրոցում սովորել է հյուսիսային չինարեն լեզուն^[14]^[15]։ Նա համարվում է սկաուտիզմի ներկայացուցիչ^[16]^[17]^[18]։

Ծանոթագրություններ

Արտաքին հղումներ

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

Search