Սեն Պիեռ (Սեն Պիեռ և Միքելոն)
Սեն Պիեռ (ֆրանսերեն՝ Saint-Pierre (Saint-Pierre-et-Miquelon)), Ֆրանսիայի անդրծովյան համայնքներից մեկի՝ Սեն Պիեռ և Միքելոնի մայրաքաղաքը։ Գտնվում է Ատլանտյան օվկիանոսի նույնանուն կղզեխմբի մաս հանդիսացող Սեն Պիեռ կղզու վրա՝ կանադական Նյուֆաունդլենդ կղզուց մոտավորապես 20 կիլոմետր դեպի հարավ։ 2012 թվականի տվյալներով բնակչության թվաքանակը եղել է 5.699[3]:
Բնակավայր | |||
---|---|---|---|
Սեն Պիեռ | |||
| |||
Երկիր | Ֆրանսիա | ||
Ներքին բաժանում | L'Ile-aux-Marins? | ||
Մակերես | 25 կմ² | ||
Բնակչություն | ▼5412 մարդ (հունվարի 1, 2016)[1] | ||
Փոստային դասիչ | 97500[2] | ||
Պաշտոնական կայք | mairie-stpierre.fr | ||
Հիմնադրվել է 1604 թվականին[4], տարածվել արդեն իսկ գործող նավահանգստի շուրջը։ 1872 թվականին կազմավորվել է որպես առանձին համայնք (separate municipality), 1936 թվականին զրկվել է այդ կարգավիճակից, 1945-ին վերստացել է այն[5]։ Քաղաքր կառավարում են համայնքապետն ու քաղաքային խորհուրդը։ Այստեղ են գտնվում նաև Սեն Պիեռ և Միքելոնի տարածքային ընտրովի վեհաժողովի նստավայրը և կենտրոնական իշխանության այլ հաստատություններ ու հիմնարկություններ։ Քաղաքն ունի մարզական մի շարք կառույցներ, թանգարաններ, մեկական գրադարան ու մշակույթի կենտրոն[6]։ 1970 թվականից ի վեր Սեն Պիեռում է գտնվում Հռոմի կաթոլիկ եկեղեցու առաքելական վիկարիատի նստավայրը[7]։
Քաղաքի տնտեսության գլխավոր ճյուղերն են ձկնարդյունաբերությունն ու զբոսաշրջությունը[8]։ Սեն Պիեռում է գործում կղզեխմբային տարածաշրջանի միակ նավահանգիստը, որտեղից արագընթաց նավերով կանոնավոր ուղերթեր են իրականացվում ոչ միայն կղզեխմբի ներսում, այլև դեպի նյուֆաունդլենդյան Ֆորտունա նավահանգիստը[9]։ Քաղաքին սպասարկում է նաև նրանից ընդամենը երկու կիլոմետր հեռավորության վրա գտնվող Saint-Pierre Pointe-Blanche օդանավակայանը, որտեղից թռիչքներ են կատարվում դեպի Միքելոն, նորշոտլանդական Հալիֆաքս ու Սիդնեյ, նյուֆաունդլենդյան Սեյնթ Ջոնս, ինչպես նաև Լաբրադոր, Մոնրեալ (Քվեբեկ)[10]։
Կրթություն
Համայնքում գործող կրթական հաստատություններից են՝
Տարրական կրթության օջախներ.
- Ecole maternelle Ile aux Enfants (նախակրթարան/մանկապարտեզ) - 2014 թ. ուներ 62 սան[11]
- Ecole primaire Henriette Bonin - 2014 թ. ուներ 62 աշակերտ[12]
- Ecole élémentaire du Feu Rouge - 2014 թ. ուներ 163 աշակերտ[13], 2016-ին՝ 172 աշակերտ[14]։ Գտնվում է Ile aux Enfants nursery մանկապարտեզից ոչ մեծ հեռավորության վրա[15]։
Lycée-Collège d'État Émile Letournel-ը համայնքում գործող միջնակարգ դպրոց է, որտեղ գործում են նաև ավագ դպրոցի նախասիրական հոսքեր։
Մասնավոր դպրոցներ.
Քույր քաղաքներ
- Պոր ան Բեսեն Յուպեն (Ֆրանսիա), 1976 թվականից[20]
Պատկերասրահ
- Քաղաքի համայնապատկերը
- Գեներալ Շառլ դը Գոլի հրապարակը
- Տաճարը
- Անգլիացիների դեմ մարտերում կիրառված թնդանոթները փարոսի մոտ
- Zazpiak Bat arena մարզապալատի ճակտոնը
- Ձմեռը Սեն Պիեռում
- Ձմեռը Սեն Պիեռում
- Նավահանգիստը
Ծանոթագրություններ
Արտաքին հղումներ
Վիքիճամփորդն ունի Saint-Pierreին առնչվող զբոսաշրջային տեղեկատվություն։ |
Վիքիպահեստն ունի նյութեր, որոնք վերաբերում են «Սեն Պիեռ (Սեն Պիեռ և Միքելոն)» հոդվածին։ |