Սեսիլ Շամինադ

Սեսիլ Շամինադը ստացել է երաժշտության մասնավոր դասեր, նրա տաղանդը նկատել և խրախուսել են Սեն-Սանսը, Շաբրիեն, Բիզեն։ 1888 թվականին հանրությանը ներկայացրել է իր երեք ստեղծագործությունները, որոնք սկիզբ են դրել նրա ճանաչելիությանը՝ «Կալիրոյա» բալետը, դաշնամուրի և նվագախմբի համար «Կոնցերտշտյուկը» և «Հեծելուհիներ» երգչախմբերի հետ դրամատիկական սիմֆոնիան։ Նրան են պատկանում «Նվագախմբի սյուիտը» (1881), «Սևիլյանուհին» կատակերգական օպերան (1882), «Ջութակի, թավջութակի և դաշնամուրի համար թիվ 2 տրիոն» (1887), «Ֆլեյտայի կոնցերտինոն» (1902)։ Բացի այդ, Շամինադը Ռոնսարի, Հյուգոյի, Մյուսեի, Գոթիեի, Ժյուլ Վեռնի, Ռիշպենի, Սյուլի-Պրյուդոմի և այլոց բանաստեղծությունների հիման վրա ստեղծված բազմաթիվ դաշնամուրային ստեղծագործությունների, երգերի և ռոմանսների հեղինակ է^[9]։

1875 թվականից որպես դաշնակահար հաջողությամբ հանդես է եկել Ֆրանսիայում, Մեծ Բրիտանիայում և Միացյալ Նահանգներում։ 1908 թվականին հյուրախաղերով հանդես է եկել Կանադայում, այնուհետև Միացյալ Նահանգներում, որտեղ Ֆիլադելֆիայի նվագախմբի հետ կատարել է իր՝ «Դաշնամուրի և նվագախմբի համար նախատեսված կոնցերտշտյուկը»^[10]։ 1919 թվականին Կ. Յա. Գոլեյզովսկու ղեկավարած դպրոց-ստուդիայի կողմից Շամինադի երաժշտությամբ բեմադրվել է «Առլեկինադա» («Կառնավալ») բալետը^[10]։

Սեսիլի քույրը՝ Անրիետան, ամուսնացած էր լեհ-գերմանացի կոմպոզիտոր Մաուրիցի Մոշկովսկու հետ։

• «Սեսիլ Շամինադ». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)
• Kerr L. Scarf dance; the story of Cecile Chaminade. New York: Abelard Press, 1953
• Citron М. Cécile Chaminade: a Bio-Bibliography. Connecticut: Greenwood Press, 1988
• Citron M. Gender and the Musical Canon. Cambridge: Cambridge UP, 1993
• Tardif C. Portrait de Cécile Chaminade. Montreal: Louise Courteau, 1993

• Կենսագրություն(գերմ.)
• Ստեղծագործությունների գրացուցակ

Վիքիպահեստն ունի նյութեր, որոնք վերաբերում են «Սեսիլ Շամինադ» հոդվածին։