Սլովակյան ժողովրդական թանգարան

Սլովակյան ժողովրդական թանգարան
Տեսակ	ազգային թանգարան
Երկիր	Սլովակիա
Տեղագրություն	Սլովակիա
Կազմված է	Slovak National Museum – Natural History Museum?, Q111784424?, Q111784427?, Q111784432?, Q111784433?, Q12772226?, Q111784438?, Slovak National Museum - Bojnice castle?, Q111784448?, Q111784450?, Ľudovít Štúr Museum?, Q111784459?, Museum of Croatian Culture in Slovakia?, Q111784464?, Q111784468?, Museum of Jewish Culture?, Museum of Rusyn Culture? և Svidník Museum of Ukrainian Culture?
Ղեկավարության նստավայր	Main building of the Slovak National Museum, Հին քաղաք, Բրատիսլավա, Սլովակիա
Հասցե	Vajanského nábrežie 2, Staré Mesto, 814 21 Bratislava, Slovakia
Հիմնադրվել է	1961
Կայք	snm.sk(սլովակ.)

Սլովակյան ժողովրդական թանգարան (слов. Slovenské národné múzeum, SNM), 18 թանգարաններից բաղկացած ցանց Սլովակիայում։ Գլխավոր գրասենյակը գտնվում է երկրի մայրաքաղաք Բրատիսլավայում, իսկ թանգարանների մեծ մասը տեղակայված է այդ քաղաքի սահմաններից դուրս։

Հիմնադրվել է 1925 թվականին։ Գլխադասային շենքում ներկայացված է բնագիտական թանգարանի (Prírodovedné múzeum) հարուստ էքսպոզիցիան, որն այցելուներին պատկերացում է տալիս Սլովակիայի երկրաբանական կառուցվածքի, կենդանական ու բուսական աշխարհների մասին։ Այստեղ հաճախ են կազմակերպվում տարբեր թեմաներով ժամանակավոր ցուցադրություններ, նաև՝ արվեստի գործերի ցուցահանդեսներ։

Սլովակյան ազգային թանգարանը հանդիսանում է Սլովակիայում թանգարանագիտության ասպարեզում գիտահետազոտական, մշակութային, կրթական գործունեություն ծավալող ամենակարևոր հիմնարկությունը։ Նրա հիմնադրումը սերտորեն կապված է եղել սլովակ ժողովրդի ազգային ազատագրության և ինքնորոշման ձգտումների հետ^[2]։

Պատմություն

Սլովակյան ազգային թանգարանի ակունքներում գտնվում են Մատիցայի սլովենական թանգարանն ու Մարտին քաղաքի ազգային տան թանգարանը, որոնց հիմնադրումը նախաձեռնել է Սլովակյան թանգարանային ընկերությունը։ Առաջին մշտական ցուցադրությունը բացվել է 1908 թվականին Մարտինում։

Ժամանակի ընթացքում թանգարանում ձևավորվել են հնագիտական, ազգագրական, պատմական, դրամագիտական, արվեստագիտական, գեղարվեստական ու բնագիտական հավաքածուներ։ 1924 թվականին Բրատիսլավայում հիմնադրվել է ազգային աշխարհագրական-պատմական թանգարան, նույն տարում այդ քաղաքում բացվել է նաև Պրահայի գյուղատնտեսական թանգարանի մասնաճյուղը։ 1940 թվականին դրանք միավորվել են, վերանվանվել Սլովակյան թանգարան։ 1961 թվականին էլ վերջինս միավորվել է Մարտինի Սլովակյան ազգային թանգարանի հետ^[2]։

Սլովակյան ժողովրդական թանգարանի կազմի մեջ մտնող Կրասնա Գուրկա ամրոցում 2012 թվականի մարտի 11-ին հրդեհ է բռնկվել երկու երեխայի՝ գլանակ ծխելու փորձ կատարելու պատճառով^[3]։ Կրակի բաժին է դարձել շինության տանիքը, բայց ցուցանմուշների մեծ մասը չի վնասվել։ 2018 թվականին ամրոցի թանգարանային ցուցադրությունը վերաբացվել է^[4]։

Մասնագիտացված թանգարաններ և բաժանմունքներ

Անվանումը	Անվանումը սլովակերեն	Գտնվելու վայրը
Բնագիտական թանգարան	Prírodovedné múzeum	Բրատիսլավա
Հնագիտական թանգարան	Archeologické múzeum	Բրատիսլավա
Պատմական թանգարան	Historické múzeum	Բրատիսլավայի ամրոց
Երաժշտության թանգարան	Hudobné múzeum	Բրատիսլավայի ամրոց
Ազգագրական թանգարան	Etnografické múzeum	Մարտին
Անդրեյ Կմետի թանգարան	Múzeum Andreja Kmeťa	Մարտին
Սլովակյան գյուղի թանգարան	Múzeum slovenskej dediny	Մարտին
Մարտին Բենկի թանգարան	Múzeum Martina Benku	Մարտին
Չեխական մշակույթի թանգարան	Múzeum kultúry Čechov na Slovensku	Մարտին
Գնչուների մշակույթի թանգարան	Múzeum kultúry Rómov na Slovensku	Մարտին
Կարել Պլիցկայի թանգարան	Múzeum Karola Plicku	Բլատնիցա (Մարտինի թանգարանների ստորաբաժանում)
Սլովակյան ազգային խորհուրդների թանգարան	Múzeum Slovenských národných rád	Միյավա
Չերվենի Կամենի թանգարան	Múzeum Červený Kameň	Չերվենի Կամենի ամրոց
Բետլյարի թանգարան	Múzeum Betliar	Բետլյար
Բոյնիցեի թանգարան	Múzeum Bojnice	Բոյնիցեի ամրոց
Սպիշյան թանգարան	Spišské múzeum v Levoči	Լևոչա
Խաղալիքների թանգարան	Múzeum bábkarských kultúr a hračiek	Մոդրի Կամենի ամրոց
Հրեական մշակույթի թանգարան	Múzeum židovskej kultúry	Բրատիսլավա, Տրնավա, Ժիլին, Պրեշով
Հունգարական մշակույթի թանգարան	Múzeum kultúry Maďarov na Slovensku	Բրատիսլավա
Կարպատյան գերմանացիների մշակույթի թանգարան	Múzeum kultúry karpatských Nemcov	Բրատիսլավա
Ուկրաինական մշակույթի թանգարան	Múzeum ukrajinskej kultúry	Սվիդնիկ
Ռուսինյան մշակույթի թանգարան	Múzeum rusínskej kultúry	Պրեշով
Լյուդովիտ Շտուրի թանգարան	Múzeum Ľudovíta Štúra	Մոդրա
Խորվաթական մշակույթի թանգարան	Múzeum kultúry Chorvátov na Slovensku	Բրատիսլավա, Դևինսկա Նովա Վես