Սրեբրենիկ (բոս․՝ , սերբ.՝ Srebrenik), քաղաք Բոսնիա և Հերցեգովինայում։ Քաղաքը տեղակայված է պետության հյուսիսարևելյան հատվածում՝ Տինյա գետի վրա։ Համանուն համայնքի վարչական կենտրոնն է։ Մտնում է Բոսնիա և Հերցեգովինայի Դաշնության կազմի մեջ։ Քաղաքի միջով անցնում է Տուզլա-Օրաշյե ավտոմոբիլային ճանապարհը և Բրչկո-Տուզլա երկաթուղին[2]։ Քաղաքից արևելք գտնվում է միջնադարյան Սրեբրենիկ ամրոցը։
Սրեբրենիկն առաջին անգամ հիշատակվել է 1333 թվականի մարտի 15-ին։ Սրեբրենիկը, որը կառուցվել է բլրի գագաթին, եղել է միջնադարյան Բոսնիայի ամենահզոր ամրոցներից մեկը։ 15-րդ դարի սկզբին քաղաքը գրավվել է հունգարական զորքերի կողմից։ 1408 թվականին հունգար թագավոր Սիգիզմունդ I-ը քաղաքը հանձնել է սերբ բռնակալ Ստեֆան Լազարևիչին։ Հիշատակվում է 1430, 1445, 1452 թվականներին[3]։
1464-1512 թվականներին Սրեբրենիկը եղել է Սրեբրենիական բանովինայի կենտրոնը, որը 1512 թվականին նվաճել են թուրքերը։ 18-րդ դարի սկզբին Սրեբրենիկը մտել է Գրադաչացի կապետանիայի կազմի մեջ, որից հետո այնտեղ տեղակայվել է ռազմական կայազոր։ 1777 թվականին քաղաքը վերակառուցվել է։ 1804 թվականին կայազորում հաշվվել է 20 մարդ։ 1833 թվականին կայազորն ունեցել է 7 գնդացիր։ 1835 թվականից հետո հին Սրեբրենիկը լքվել է[4]։
Անվան այլ կիրառումների համար տե՛ս՝ Սրեբրենիկ (այլ կիրառումներ)
Բոսնիա և Հերցեգովինա
