Փորշա դե Ռոսի

Ամանդա Լի Ռոջերսը ծնվել է 1973 թվականի հունվարի 31-ին Ավստրալիայի Ջելոնգ քաղաքում։ Դպրոցն ավարտելուց հետո փաստաբան դառնալու համար ընդունվել է Մելբուռնի համալսարանը։ Ուսման ընթացքում ապրուստ վաստակելու համար սկսել է աշխատել որպես նորաձևության մոդել։

1994 թվականին Պորշա դե Ռոսին գրավել է քասթինգի տնօրենի ուշադրությունը, որը նրան առաջարկել է «Սիրեններ» ֆիլմում Հյու Գրանտի հետ խաղալ Ջեդիի դերը։ Նրան ոգեշնչել է նոր փորձը, և նա որոշել է սկսել դերասանական կարիերիան։

Չնայած նա հաջողության չի հասել փաստաբանական ոլորտում, սակայն հաջողվել է փաստաբան խաղալ էկրանին։ Հավակնոտ Նելի Փորթերը «Էլլի Մակբիլ» սերիալի գլխավոր կերպարներից մեկն էր։

1997 թվականին Պորշան նկարահանվել է «Ճիչ 2» ֆիլմում՝ խաղալով ուսանողուհու դեր, 1999 թվականին՝ «Սիգմատներ» ֆիլմում, իսկ 2005 թվականին՝ Քրիստինա Ռիչինի և Ջոշուա Ջեքսոնի հետ «Դարձվոր» ֆիլմում։ «Էլլի Մակբիլ» սերիալի նկարահանումներից հետո վերադարձել է հեռուստատեսություն՝ «Դանդաղեցված զարգացում» սերիալ։ 2007 թվականին նա երևացել է նաև «Մարմնի մասեր» հեռուստասերիալի 5-րդ եթերաշրջանում։

1996-1999 թվականներին ամուսնացած է եղել վավերագրական ֆիլմի ռեժիսոր Մել Մեթքլեֆի հետ։ Այդ ամուսնությունը կեղծ էր․ դերասանուհու նպատակը գրին քարտ ստանալն էր^[2]։ Պորշա դե Ռոսին, որը իր նույնասեռականության մասին հայնել է ծնողներին 16 տարեկան հասակում, ապրում է ամերիկացի հաղորդավար, կատակերգակ և դերասանուհի Էլեն Դեջեներեսի հետ։ Կանայք, որոնք հանդիպում էին 2004 թվականին, պաշտոնապես ամուսնացել են 2008 թվականի օգոստոսի 16-ին։