Քլեյթոն Լյուիս

Քլեյթոնը կարիերան սկսել է «Թիմ Վելինգտոն» ակումբում, սակայն ակումբի կազմում պրոֆեսիոնալ մակարդակում այդպես էլ նորամուտ չի ունեցել։ 2014 թվականի ամռանը Լյուիսը տեղափոխվել է «ՍԿ Ուոնդերերս» ակումբ։ Նոյեմբերի 22-ին «Ուաիկատո Համիլտոն» ակումբի դեմ խաղում նա նորամուտ է ունեցել Նոր Զելանդիայի առաջնությունում^[3]։ 2015 թվականի հունվարի 17-ին «Ոայտակարե Յունայթեդ» ակումբի դեմ խաղում Քլեյթոնը խփել է իր առաջին գոլը «ՍԿ Ուոնդերերս» ակումբի կազմում^[4]։

2015 թվականի ամռանը Լյուիսը տեղափոխվել է «Օքլենդ Սիթի» ակումբ։ Նոյեմբերի 22-ին «Վելինգտոն Ֆենիքս» ակումբի փոխարինողների դեմ մրցախաղում նորամուտ է ունեցել նոր թիմի կազմում^[5]։ Նույն մրցախաղում Քլեյթոնը խփել է իր առաջին գոլը «Օքլենդ Սիթի» ակումբի կազմում։ 2015 և 2016 թվականներին Լյուիսը մասնակցել է աշխարհի ակումբային առաջնությանը։

2013 թվականի Նոր Զելանդիայի պատանեկան հավաքականի կազմում Լյուիսը մասնակցել է Արաբական Միացյալ Էմիրություններում կայացած աշխարհի պատանեկան առաջնությանը։ Մրցախաղում եղել է պահեստային և դաշտ դուրս չի եկել։

2015 թվականի մարտի 31-ին Հարավային Կորեայի ֆուտբոլի ազգային հավաքականի դեմ ընկերական խաղում Լյուիսը նորամուտ է ունեցել Նոր Զելանդիայի ֆուտբոլի ազգային հավաքականի կազմում^[6]։

2015 թվականին Քլեյթոնը Նոր Զելանդիայի երիտասարդական հավաքականի կազմում մասնակցել է աշխարհի տնային երիտասարդական առաջնությանը։ Մրցախաղում նա խաղացել է Ուկրաինայի^[7], ԱՄՆ-ի^[8] և Մյանմայի^[9] երիտասարդական հավաքականների դեմ խաղերում։ Մյանմայի դեմ խաղում Լյուիսը խփել է գոլ։

2017 թվականի Նոր Զելանդիայի երիտասարդական հավաքականի կազմում Քլեյթոնը մասնակցել է Հարավային Կորեայում կայացած աշխարհի երիտասարդական առաջնությանը։ Մրցախաղում նա խաղացել է Վիետնամի^[10] և Հոնդուրասի^[11] թիմերի դեմ խաղերում։

2017 թվականին Լյուիսը մասնակցել է Ռուսաստանում կայացած ՖԻՖԱ Կոնֆեդերացիաների գավաթում։ Մրցախաղում նա խաղացել է Մեքսիկայի ֆուտբոլի ազգային հավաքականի^[12] և Պորտուգալիայի ֆուտբոլի ազգային հավաքականի^[13] դեմ մրցախաղերում։