Քրիստինա Ասմուս

Քրիստինա Ասմուսը ծնվել է 1988 թվականի ապրիլի 14-ին մերձմոսկովյան Կորոլյով քաղաքում, Իգոր Լվովիչ և Ռադա Վիկտորովնա Մյասնիկովների ընտանիքում։ Նա ունի երեք քույր. երկու ավագ քույրերը՝ Եկատերինան ու Օլգան, ծնվել է Սարատովում, իսկ կրտսերը՝ Կարինան, Կորոլյովում^[2]։

Քրիստինա Ասմուսն զբաղվել է սպորտային մարմնամարզությամբ և ստացել սպորտի վարպետի կարգ^[3]։ Դեռ դպրոցական տարիներին նա «МЕЛ» թատրոնում մասնակցել է Ե. Մախոնինայի «Իսկ արշալույսներն այստեղ խաղաղ են...» (ռուս.՝ «А зори здесь тихие…») ներկայացմանը՝ կատարելով Ժենյա Կոմելկովայի դերը, իսկ դպրոցն ավարտելուց հետո Կորոլյով քաղաքի պատանի հանդիսատեսի թատրոնում կատարել է Ֆանտինի դերը Ն. Երմակովայի «Մադմուազել Տարժիի դիմանկարը» ներկայացման մեջ։

Դերասանուհի դառնալ Քրիստինա Ասմուսը որոշել է դեռ մանկության տարիներին՝ դիտելով «Վայրի հրեշտակ» սերիալը. նա եղել է դերասանուհի Նատալյա Օրեյրոյի երկրպագուհին^[4]։

2005 թվականին Քրիստինա Ասմուսն ընդունվել է Մոսկվայի գեղարվեստական ակադեմիական թատրոնի դպրոց-ստուդիա՝ Կոնստանտին Ռայկինի կուրս, սակայն սովորել չի հաջողվել։

2008 թվականին Քրիստինա Ասմուսն ընդունվել է Մ. Շչեպկինի անվան թատերական ուսումնարան^[5]՝ Բորիս Կլյուևի կուրս։

Կինոյում Քրիստինա Ասմուսը նկարահանվել սկսել է 2010 թվականին. նրա համար նորամուտային է եղել Վարյա Չերնոուսի դերը «Ինտերններ» կատակերգական սերիալում^[5]։ Դրանից հետո նա նկարահանվել է «Տոնածառեր» (ռուս.՝ «Ёлки»), «Վիշապի համախտանիշ» (ռուս.՝ «Синдром дракона»), «Zолушка» ֆիլմերում։

2013 թվականին կատարել է կնոջ գլխավոր դերը «Փոխարինողը» (ռուս.՝ «Дублёр»), իսկ 2014 թվականին՝ «Лёгок на помине» (հայ.՝ «Անունը տուր՝ սփռոցը գցիր») ֆիլմերում։

2014 թվականին Քրիստինա Ասմուսը մասնակցել է «Սառցե դարաշրջան-5» հեռուստաշոուին, որտեղ նրա զույգը եղել է Ալեքսեյ Տիխոնովը։

Քրիստինա Ասմուսն աշխատում է Մոսկվայի Մ. Երմոլովայի անվան դրամատիկական թատրոնում^[6]։ Դստեր ծնունդից հետո նա աշխատանքի է վերադարձել 2014 թվականի հունվարի վերջին^[7]։

Մասնակցել է «Քնի պահապանները», «Իվան Ցարևիչն ու Գորշ Գայլը» (ռուս.՝ Иван Царевич и Серый Волк) և «Օզ։ Վերադարձ Զմրուխտե քաղաք» մուլտֆիլմերի հնչյունավորմանը։

Քրիստինա Ասմուսը որոշ ժամանակ հարաբերություններ է ունեցել իր համակուրսեցու՝ Վիկտոր Ստեփանյանի հետ^[8][9]։ Զույգ բաժանվել է Քրիստինա Ասմուսի՝ նկարահանումներով ծանրաբեռնված լինելու և այն պատճառով, որ նա ցանկացել է առաջին հերթին կառուցել իր կարիերան, ոչ թե անձնական կյանքը^[8]։

2013 թվականին ամուսնացել է Գարիկ Խառլամովի հետ^[10][11]։ 2014 թվականի հունվարի 5-ին ծնվել է նրանց դուստրը՝ Անաստասիան^[12]։

1. «Մադմուազել Տարժիի դիմանկարը». ռեժիսոր՝ Նատալյա Երմակովա – Ֆանտին
2. «Հաջողակ համար», ռեժիսոր՝ Միխայիլ Ցերիշենկո

Երմոլովայի անվան թատրոն

1. «Հեթանոսները», ռեժիսոր՝ Եվգենի Կամենկովիչ – Դուստր
2. «Համլետ։ Պրեմիերա», ռեժիսոր՝ Վալերի Սարկիսով – Օֆելյա

1. 2010 թվականին նկարահանվել է «Опасные» խմբի «Сердце» երգի տեսահոլովակում^[13]։
2. 2013 թվականին մասնակցելէ Վլադ Սոկոլովսկու «Ла-ла-ла» երգի տեսահոլովակի նկարահանումներին^[14]։

1. 2010 – «ТВ-программа Семь» ամսագրի մոդել anNAIVanova-ի զգեստով^[15],
2. 2010 – «MAXIM» ամսագրի մոդել, 2010 թվականի հոկտեմբեր^[16][17],
3. 2011 – «Hello» ամսագրի մոդել Versace-ի զգեստով և «Roberto Cavalli» մատանիներով^[18],
4. 2011 – «Образ жизни» ամսագրի մոդել Slada Fashion զգեստներով^[19]։

• 2011 – «Հանգստությունը վրդովողները» (ռուս.՝ «Возмутители спокойствия») ակցիայի ժյուրիի նախագահ^[20]

1. 2010 – «Ешь и худей!» – մասնակից^[21]
2. 2011 – «Оливье-шоу», «12 ամիսներ» հեքիաթի ծաղրանմանակում – խորթ աղջկա դերակատար^[22]
3. 2011 – «Зарядка со звёздами» – հյուր^[23]
4. 2011 – «Выпуск ТСН-Особливе: пікантні новини дня» – պատմության օբյեկտ^[24]
5. 2011 – «Անհավատալի ճշմարտություն աստղերի մասին» (ռուս.՝ «Невероятная правда о звёздах») – պատմության օբյեկտ^[25]
6. 2011 – «Воскресенье с Кварталом-95» – մասնակից^[26]
7. 2012 – «Жестокие игры»
8. 2013 – «Անհավանական պատմություններ» – Մերիան Գուդ
9. 2014 – «Вечерний Ургант» – հյուր
10. 2014 – «Սառցե դարաշրջան» – մասնակից
11. 2015 – «Вечерний Ургант» – հյուր
12. 2016 – «Без страховки» - մասնակից

1. 2013 – Fashion People Awards մրցանակ «Fashion դերասանուհի» անվանակարգում^[27],
2. 2011 – «Տարվա հեռուստադերասանուհի» ըստ «Glamour» ամսագրի^[28][29],
3. 2010 – Ռուսաստանի ամենասեքսուալ կին ըստ «Maxim» ամսագրի^[30][31]։

• «Две жизни Кристины Асмус» биография от первого лица — интервью на сайте 7 Дней

Վիքիպահեստն ունի նյութեր, որոնք վերաբերում են «Քրիստինա Ասմուս» հոդվածին։