Օմեր Թոփրաք
Օմեր Թոփրաք (թուրքերեն՝ Ömer Toprak, հուլիսի 21, 1989[1][2], Ravensburg, Տյուբինգեն, Բադեն-Վյուրթեմբերգ, Գերմանիայի Ֆեդերատիվ Հանրապետություն), թուրք պրոֆեսիոնալ ֆուտբոլիստ։ Ներկայումս Բորուսիա Դորտմունդից վարձավճարով հանդես է գալիս Վերդեր Բրեմենի և Թուրքիայի ազգային հավաքականի կազմում։ Խաղում է կենտրոնական պաշտպանի դիրքում[3]։
 Ömer Toprak | |||
|---|---|---|---|
 Թոփրաքը Թուրքիայի հավաքականի կազմում 2013 թվականին | |||
| Անձնական տվյալներ | |||
| Քաղաքացիությունը |  Գերմանիա Թուրքիա | ||
| Ծննդյան ամսաթիվ | հուլիսի 21, 1989[1][2] (34 տարեկան) | ||
| Ծննդավայր | Ravensburg, Տյուբինգեն, Բադեն-Վյուրթեմբերգ, Գերմանիայի Ֆեդերատիվ Հանրապետություն | ||
| Հասակ | 186 սմ | ||
| Քաշ | 83 կգ | ||
| Դիրք | կենտրոնական պաշտպան | ||
| Ակումբային տեղեկություններ | |||
| Ներկա ակումբ | Վերդեր Բրեմեն (վարձավճարով Բորուսիա Դորտմունդից) | ||
| Համար | 21 | ||
| Պատանեկան կարիերա | |||
| 1994-2001 | ՏՍԲ Ռավենսբուրգ | ||
| 2001-2005 | ՖՎ Ռավենսբուրգ | ||
| 2005-2008 | Ֆրայբուրգ | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2008-2011 | Ֆրայբուրգ | 68 | (4) |
| 2011-2017 | Բայեր Լևերկուզեն | 154 | (5) |
| 2017-ներկա | Բորուսիա Դորտմունդ | 35 | (0) |
| 2019-ներկա | → Վերդեր Բրեմեն | 4 | (0) |
| Ազգային հավաքական‡ | |||
| 2008 | Գերմանիա Մ19 | 3 | (1) |
| 2011-ներկա | Թուրքիա | 27 | (2) |
* Մասնագիտական կարիերայում ընդգրկված են միայն առաջնության խաղերը և գոլերը | |||
Ակումբային կարիերա
Ֆրայբուրգ
Թոփրաքը Ֆրայբուրգի ակադեմիայի սան է[4]։ Իր առաջին պայմանագիրը կնքեց 2008 թվականին։ Իր պրոֆեսիոնալ դեբյուտը նշեց 2008 թվականի օգոստոսի 22-ին՝ Օսնաբրյուկի դեմ խաղում[5]։ Իր առաջին գոլը խփեց նոյեմբերի 16-ին՝ Ֆրանկֆուրտի դեմ խաղում[6]։ Իր առաջին մրցաշրջանում Թոփրաքը անցկացրեց 30 հանդիպում՝ դառնալով 4 գոլի հեղինակ և օգնելով Ֆրայբուրգին հաղթել Երկրորդ Բունդեսլիգան[7][8]։ Իր առաջին հանդիպումը Բունդեսլիգայում անցկացրեց 2010 թվականի հունվարի 16-ին՝ Համբուրգի դեմ խաղում[9]։ Ֆրայբուրգի առաջին թիմի կազմում Թոփրաքը անցկացրեց 70 հանդիպում՝ դառնալով 4 գոլի և 1 գոլային փոխանցման հեղինակ։
Բայեր Լևերկուզեն
2011 թվականի ամռանը Թոփրաքը տեղափոխվեց Բայեր Լևերկուզեն[10]։ Իր դեբյուտը ակումբի կազմում նշեց հուլիսի 30-ին՝ Գերմանիայի գավաթի Դինամո Դրեզդենի դեմ խաղում[11]։ Իր առաջին հանդիպումը եվրոպական առաջնություններում անցկացրեց սեպտեմբերի 13-ին՝ Չեմպիոնների Լիգայի Չելսիի դեմ խաղում[12]։ Իր առաջին գոլը Բայերի կազմում խփեց 2013 թվականի մայիսի 4-ին՝ Նյուրնբերգի դեմ խաղում[13]։ Իր առաջին գոլը Չեմպիոնների Լիգայում խփեց 2013 թվականի սեպտեմբերի 17-ին՝ Մանչեսթեր Յունայթեդի դեմ խաղում[14]։ Իր առաջին հանդիպումը Բայեր Լևերկուզենի ավագի թևկապով անցկացրեց 2014 թվականի հոկտեմբերի 8-ին՝ Շտուտգարտի դեմ խաղում[15]։ 2014 թվականի հունվարին Թոփրաքը երկարաձգեց իր պայմանագիրը մինչև 2018 թվականը[16][17][18]։ 2015-16 մրցաշրջանում թուրքը դարձավ ակումբի հիմնական ավագը։ Բայեր Լևերկուզենի կազմում անցկացրած 6 մրցաշրջաններում Թոփրաքը անցկացրեց 203 հանդիպում բոլոր մրցաշարերում՝ դառնալով 7 գոլի և 5 գոլային փոխանցման հեղինակ։
Բորուսիա Դորտմունդ
2017 թվականի փետրվարի 5-ին Թոփրաքը նախնական 4 տարվա պայմանագիր կնքեց Բորուսիա Դորտմունդի հետ[19][20]։ Ակումբը նրա համար վճարեց 12 միլիոն եվրո[21], և Թոփրաքը Բորուսիային միացավ 2017 թվականը ամռանը[22][23]։ Իր դեբյուտը Բունդեսլիգայում նշեց օգոստոսի 26-ին՝ փոխարինելով վնասվածք ստացած Սոկրատիս Պապաստատոպուլոսին Հերթա Բեռլինի դեմ խաղում[24]։ Առաջին հանդիպումը Բորուսիայի մեկնարկային կազմում անցկացրեց սեպտեմբերի 9-ին՝ Ֆրայբուրգի դեմ խաղում[25]։ Սեպտեմբերի 20-ին նա գոլային փոխանցում տվեց Համբուրգի դեմ խաղում՝ օգնելով իր թիմին հաղթել 3-0 հաշվով[26]։ Իր առաջին մրցաշրջանում Թոփրաքը անցկացրեց 36 հանդիպում՝ դառնալով 2 գոլային փոխանցման հեղինակ[27]։ Հաջորդ տարվանից թուրքը կորցրեց իր դիրքը թիմի հիմնական կազմում[28]։ 2019 թվականի օգոստոսի 3-ին Թոփրաքը թիմի մեկնարկային կազմում խաղադաշտ դուրս եկավ Գերմանիայի սուպերգավաթի Բավարիա Մյունխենի դեմ խաղում[29]՝ օգնելով Բորուսիային հաղթել 2-0 հաշվով[30][31]։
2019 թվականի օգոստոսի 11-ին Թոփրաքը սկզբից վարձավճարով, ապա՝ լրիվ տրանսֆերով տեղափոխվեց Վերդեր Բրեմեն[32][33][34]։ Իր դեբյուտը նշեց օգոստոսի 17-ին՝ թիմի մեկնարկային կազմում խաղադաշտ դուրս գալով Ֆորտունա Դյուսելդորֆի դեմ խաղում[35]։
Միջազգային կարիերա
Թոփրաքը իրավասու էր ներկայացնել Գերմանիան և Թուրքիան միջազգային ասպարեզում։ 2008 թվականին նա Գերմանիայի Մ18 հավաքականի կազմում հաղթեց Եվրոպայի առաջնությունը[36]՝ անցկացնելով 3 հանդիպում[37] ու դառնալով 1 գոլի հեղինակ[38]։
2011 թվականի սեպտեմբերի 30-ին Թոփրաքը Գուս Հիդինգի կողմից հրավիրվեց Թուրքիայի ազգային հավաքական՝ Գերմանիայի և Ադրբեջանի դեմ խաղերի համար[39]։ Իր դեբյուտը ազգային հավաքականի կազմում նշեց 2011 թվականի նոյեմբերի 15-ին՝ Խորվաթիայի դեմ խաղում[40][41]։ Իր առաջին գոլը խփեց 2012 թվականի փետրվարի 29-ին՝ Սլովակիայի դեմ ընկերական խաղում[42]։ 2012 թվականի մայիսի 29-ին Թոփրաքը գոլի հեղինակ դարձավ Բուլղարիայի դեմ խաղում՝ օգնելով Թուրքիային հաղթել 2-0 հաշվով[43]։ 2014 թվականի սեպտեմբերի 9-ին նա հեռացվեց խաղադաշտից Իսլանդիայի դեմ խաղում՝ ստանալով երկրորդ դեղին քարտը հանդիպման 59-րդ րոպեին[44]։
Կարիերայի վիճակագրություն
Ակումբային վիճակագրություն
2019 թվականի նոյեմբերի 19-ի դրությամբ[45]
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Ֆրայբուրգ | 2008–09 | Բունդեսլիգա 2 | 30 | 4 | 1 | 0 | — | 31 | 4 | |||
| 2009–10 | Բունդեսլիգա | 14 | 0 | 0 | 0 | 14 | 0 | |||||
| 2010–11 | 24 | 0 | 1 | 0 | 25 | 0 | ||||||
| Ընդհանուր | 68 | 4 | 2 | 0 | 0 | 0 | 0 | 0 | 70 | 4 | ||
| Բայեր Լևերկուզեն | 2011–12 | Բունդեսլիգա | 27 | 0 | 1 | 0 | 6 | 0 | — | 34 | 0 | |
| 2012–13 | 26 | 1 | 2 | 0 | 4 | 0 | 32 | 1 | ||||
| 2013–14 | 28 | 1 | 3 | 0 | 8 | 2 | 39 | 3 | ||||
| 2014–15 | 29 | 1 | 3 | 0 | 9 | 0 | 41 | 1 | ||||
| 2015–16 | 19 | 1 | 2 | 0 | 4 | 0 | 25 | 1 | ||||
| 2016–17 | 25 | 1 | 1 | 0 | 6 | 0 | 32 | 1 | ||||
| Ընդհանուր | 154 | 5 | 12 | 0 | 37 | 2 | 0 | 0 | 203 | 7 | ||
| Բորուսիա Դորտմունդ | 2017–18 | Բունդեսլիգա | 26 | 0 | 1 | 0 | 9 | 0 | — | 36 | 0 | |
| 2018–19 | 9 | 0 | 2 | 0 | 3 | 0 | 14 | 0 | ||||
| 2019–20 | 0 | 0 | 0 | 0 | 0 | 0 | 1 | 0 | 1 | 0 | ||
| 35 | 0 | 3 | 0 | 12 | 0 | 1 | 0 | 51 | 0 | |||
| Վերդեր Բրեմեն (վարձավճար) | 2019–20 | Բունդեսլիգա | 4 | 0 | 0 | 0 | — | 4 | 0 | |||
| Կարիերայի ընդհանուր | 261 | 9 | 17 | 0 | 49 | 2 | 1 | 0 | 328 | 11 | ||
Միջազգային վիճակագրություն
2019 թվականի նոյեմբերի 19-ի դրությամբ[45]
| Թուրքիա | ||
|---|---|---|
| Տարի | Խաղեր | Գոլեր |
| 2011 | 1 | 0 |
| 2012 | 10 | 2 |
| 2013 | 8 | 0 |
| 2014 | 4 | 0 |
| 2016 | 2 | 0 |
| 2017 | 2 | 0 |
| Ընդհանուր | 27 | 2 |
Միջազգային գոլեր
| # | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
|---|---|---|---|---|---|---|
| 1 | Փետրվարի 29, 2012 | Բուրսա Աթաթուրք մարզադաշտ, Բուրսա, Թուրքիա |  Սլովակիա | 1–2 | 1–2 | Ընկերական խաղ |
| 2 | Մայիսի 29, 2012 | Ռեդ Բուլ Արենա, Զալցբուրգ, Ավստրիա |  Բուլղարիա | 1–0 | 2–0 |
Նվաճումներ
Ակումբային
Ֆրայբուրգ
- Երկրորդ Բունդեսլիգա․ 2008-09[8]
Բորուսիա Դորտմունդ
Միջազգային
Գերմանիա Մ19
- ՈՒԵՖԱ Եվրոպայի Մ19 առաջնություն․ 2008[36]
Ծանոթագրություններ
Արտաքին հղումներ
- Թոփրաքի պաշտոնական Ինստագրամի էջը
- Թոփրաքը transfermarkt-ում
- Թոփրաքը soccerbase.com-ում
- Թոփրաքը WhoScored.com կայքում
- Թոփրաքը Վերդեր Բրեմենի պաշտոնական կայքում Արխիվացված 2019-10-16 Wayback Machine
- Թոփրաքը ՈՒԵՖԱ-ի պաշտոնական կայքում
- Թոփրաքը ՖԻՖԱ-ի պաշտոնական կայքում(չաշխատող հղում)
 | Վիքիպահեստն ունի նյութեր, որոնք վերաբերում են «Օմեր Թոփրաք» հոդվածին։ |