Օրբելիների կոդը
«Օրբելիների կոդը», հայ-ռուսական վավերագրական ֆիլմ հայտնի գիտնականների տոհմի, հայկական Օրբելիների ընտանիքի մասին։ Ֆիլմի պրեմիերան կայացել է 2012 թվականի մարտի 12-ին[1][2]։
 ռուս.՝ Код Орбели | |
|---|---|
 | |
| Երկիր |  Հայաստան Ռուսաստան |
| Ժանր | վավերագրական ֆիլմ ֆիլմ-կենսագրություն |
| Թվական | 2012 |
| Լեզու | ռուսերեն |
| Ռեժիսոր | Աշոտ Ջազոյան Վիկտորյա Գրուդինսկայա |
| Պրոդյուսեր | Վիկտորյա Գրուդինսկայա |
| Սցենարի հեղինակ | Աշոտ Ջազոյան |
| Կինոընկերություն | Realjet |
| Տևողություն | 39 րոպե |
Պատմություն
Ֆիլմը նկարահանել են Աշոտ Ջազոյանը և Վիկտորյա Գրուդինսկայան` Հայաստանի մշակույթի նախարարության, Realjet կինոընկերության և «4 формата» պրոդյուսերական կենտրոնի աջակցությամբ[1]։ Ֆիլմը նկարահանվել է 7 ամսում։ Նկարահանվել է Վրաստանի, Հայաստանի և Ռուսաստանի տարածքում։ Ֆիլմի պրեմիերան կայացել է 2012 թվականի մարտի 12-ին Մոսկվայում, «Ռոլան» կինոթատրոնում[3]։
Սյուժե
Ֆիլմը Օրբելի հայտնի եղբայրների մասին է, որոնք գիտության և մշակույթի նշանավոր գործիչներ էին, որոնցից ամեն մեկն ընտրել է գիտության իր ճյուղը։ Ֆիլմը պատմում է նաև գիտության և մշակույթի ոլորտում հայ-ռուսական համագորցակցությանն ուղղված նրանց ավանդի մասին։ Ավագ եղբայրը՝ Ռուբեն Օրբելին, եղել է պրոֆեսոր, ԽՍՀՄ-ում ստորջրյա հնագիտության հիմնադիրը։ Միջնեկը՝ Լևոն Օրբելին, եղել է էվոլյուցիոն ֆիզիոլոգիայի ուսմունքի ստեղծողներից մեկը, ակադեմիկոս, Խորհրդային Միության գիտությունների ակադեմիայի փոխնախագահ։ Կրտսեր եղբայրը՝ Հովսեփ Օրբելին, մոտ քսան տարի եղել է Էրմիտաժի ղեկավարը, հիմնադրել է Հայաստանի Գիտությունների ակադեմիան և եղել նրա առաջին նախագահը[4]։