Օ Հա Յոն
Օ Հա Յոն (կորեերեն՝ 오하영, անգլ.՝ Oh Ha Young, հուլիսի 19, 1996[1], Սեուլ, Հարավային Կորեա), հարավկորեացի երգչուհի, դերասանուհի և երգերի հեղինակ։ Հանդիսանում է Apink գըրլ բենդի վոկալիստ։ 2019 թվականի օգոստոսին սոլո դեբյուտ է կատարել «Oh!» մինի ալբոմով։
Օ Հա Յոն | |
---|---|
Հիմնական տվյալներ | |
Ծնվել է | հուլիսի 19, 1996[1] (27 տարեկան) Սեուլ, Հարավային Կորեա |
Երկիր | Հարավային Կորեա |
Ժանրեր | քեյ փոփ |
Մասնագիտություն | երգչուհի, պարուհի, դերասանուհի, մոդել և կոմպոզիտոր |
Գործիքներ | վոկալ |
Կրթություն | Սեուլի կատարողական արվեստի դպրոց |
Անդամակցություն | A Pink |
Oh Ha-young Վիքիպահեստում |
Այս էջում կա կորեերեն տեքստ։ Առանց արևելաասիական լեզուների գրերի օժանդակ ծրագրի՝ դուք կարող եք կորեերեն պայմանանշանների փոխարեն տեսնել հարցականներ կամ այլ նշաններ։ |
Կենսագրություն
1996-2011. վաղ կյանք և կարիերայի սկիզբ
Ծնվել է 1996 թվականի հուլիսի 19-ին Հարավային Կորեայի մայրաքաղաք Սեուլում։ Սովորել է Յանգչեոն շրջանի միջնակարգ դպրոցում, որը ավարտել է 2012 թվականին, և Սեուլի կատարողական արվեստի դպրոցում, որը ավարտել է 2015 թվականին[2][3][4]։ Յոթերորդ դասարանում նա մասնակցել է CUBE Entertainment լեյբլի լսումներին և արդյունքում պրակտիկանտ է դարձել։ Ավագ դպրոցն ավարտելուց հետո Օ Հա Յոնը որոշեց չընդունվել քոլեջ, որպեսզի կենտրոնանա Apink խմբի հետ առաջխաղացման վրա[5]։
Հա Յոնը ներկայացվել է որպես Apink խմբի երրորդ անդամ 2011 թվականի փետրվարի 21-ին[6]։ Ապրիլի 21-ին նա խմբի հետ դեբյուտ է կատարել M Countdown շոուի ժամանակ, կատարելով «I Know» (몰라요) և «Wishlist» երգերը, որոնք ներառվել են նրանց դեբյուտային` «Seven Springs of Apink» մինի ալբոմում[7]։
2013 թվականին նա գլխավոր դեր է կատարել Հո Գակայի «1440» երաժշտական տեսահոլովակում[8][9]։ Նա նաև գլխավոր դեր է կատարել Շին Բորայի «Frozen» երգի տեսահոլովակում B1A4 խմբի անդամ CNU-ի հետ միասին[10]։
2014-ներկա. դերասանական և սոլո կարիերա
A pink խմբում գործունեությունից բացի նա նաև մասնակցել է տարբեր նախագծերում։ 2014 թվականին նա էմսի է եղել «Շաբաթական այդըլ» շոուի մի քանի սերիաներում A pink խմբի գործընկեր Բոմի հետ[11]։ Հուլիսին նկարահանվել է Jiggy Dogg-ի «The Best Thing I Did» երգի տեսահոլովակում[12]։ 2015 թվականի օգոստոսին նշանակվել է «Շաբաթական այդըլ» շոուի էմսի AOA խմբի անդամ Մինայի և VIXX խմբի անդամ Էնի հետ[13]։ 2016 թվականին մասնակցել է «Ջունգլիների կանոն» ռեալիթի շոուին[14]։ Իր կարիերայի ընթացքում նա նաև երգեր է գրել։ Հա Յոնը գրել է տեքստ «What a Boy Wants»-ի համար (2015)[15] և Ջոնգ Ըն Ջիի հետ համատեղ «It's You» սինգլը (2016)[16][17]։
2016 թվականի նոյեմբերին խաղացել է «Խնդրում եմ, գտեք նրան» վեբ դորամայում[18][19], որը եթեր է հեռարձակվել 2017 թվականի մարտի 1-ին KBS2 և KBS World հեռուստաալիքներում[20]։
2018 թվականին նկարահանվել է «Սեր, մնա հիշողության մեջ» գիտաֆանտաստիկ վեբ դորամայում[21]։
2019 թվականի օգոստոսի 21-ին Հա Յոնը դեբյուտ է կատարել իր` «Oh!» սոլո մինի ալբոմով[22]։
Սկավառակագրություն
Մինի ալբոմներ
- Oh! (2019)[22]
Ֆիլմագրություն
Հեռուստատեսություն
Տարեթիվ | Անվանում | Դեր | Հեռուստաալիք | Նշումներ |
---|---|---|---|---|
2017 | Խնդրում եմ, գտեք նրան | Գո Հա -յուն | KBS2, KBS World | |
2018 | Սեր, մնա հիշողության մեջ | Յո Հա-րի | Naver TV Cast, Vlive | Վեբ սերիալ |
2018 | Սեր, մնա ժամանակի մեջ | Յո Հա-րի | Danaflix | Վեբ ֆիլմ |
Ժամանցային շոուներ
Տարեթիվ | Անվանում | Հեռուստաալիք | Նշումներ |
---|---|---|---|
2017 | Battle Trip | KBS2 | Հատուկ էմսի (MC) (սերիաներ` 68-69)[23][24] |
Մրցակից Չորոնի հետ (սերիաներ` 74-75)[25] | |||
2018 | Secret Sister | JTBC4 | Հաղորդավար Կիմ Հյո Յոնգի հետ միասին |
Pajama Friends | Lifestyle | Հաղորդավարին փոխարինող (սերիաներ` 8-9) | |
2019 | Why Not? | SBS Plus | Կազմի անդամ Հան Չե Յոնգի և Սոն Հա-նայի հետ միասին |
Ծանոթագրություններ
Վիքիպահեստն ունի նյութեր, որոնք վերաբերում են «Օ Հա Յոն» հոդվածին։ |