Ֆերնանդու Սանտուշ

Ֆերնանդու Սանտուշն իր ֆուտբոլային կարիերան սկսել է 1966 թվականին պորտուգալական «Բենֆիկա» ակումբի պատանեկան կազմում, մինչև 1971 թվականը հանդես է եկել թիմի հիմնական կազմում մինչև որ տեղափոխվել է «Մարիտիմու»։ Վերջինիս կազմում խաղացել է 2 մրցաշրջան և մինչև 1975 թվականը մնացել է «Էշտորիլ Պրայա»-ի ֆուտբոլիստ։

Խաղացողի կարիերան Սանտուշն ավարտել է 30 տարեկանում։ Լիսաբոնի համալսարանում ստացել է հեռահաղորդակցության և էլեկտրոնիկայի տեխնիկական ինժեների բակալավրի աստիճան։ 1987 թվականին մարզչական գործունեությունն սկսել է «Էշտորիլ Պրայայում»։ Հետագայում մարզել է հայրենի «Պորտուին», «Բենֆիկային», «ՊԱՕԿ»-ին^[2]։ 2010 թվականի փետրվարին Ֆերնանդու Սանտուշը Հունաստանում հռչակվեց տասնամյակի մարզիչ^[3]։

2010 թվականի հունիսին, երբ ՀԱՀ-ում անցկացվող աշխարհի առաջնության ժամանակ Արգենտինայի հավաքականից պարտություն կրելով Հունաստանը ևս դադարեց մասնակցել առաջնությանը, Օտտո Ռեհագելը հրաժարական տվեց^[4], հավանական հետնորդը միանգամից դարձավ Ֆերնանդու Սանտուշը^[5][6]։ Սակայն առաջին առաջարկի ժամանակ Հունաստանի ֆուտբոլի ֆեդերացիան Սանտուշին մերժեց։ Դրանից հետո Ֆեդերացիաների խորհուրդը մարզչի աշխատավարձը բարձրացրեց, այն դարձնելով տարեկան 600 հազար եվրո^[7]։ 2010 թվականի հունիսի 28-ին Աթենքում Սոֆոկլիս Պիլավոսի հետ հանդիպումից հետո ձեռք բերվեց պայմանավորվածություն^[8][9]։ 2010 թվականի հուլիսի 1-ին Ֆերնանդու Սանտուշը ամենաքիչը 2 տարով պաշտոնապես նշանակվեց հավաքականի գլխավոր մարզիչ^[10]։ Նա հույներին գլխավորեց Եվրո 2012-ի և ԱԱ 2014-ի ժամանակ՝ երկու առաջնություններում էլ փլեյ - օֆֆ դուրս գալով։

2014 թվականի սեպտեմբերի 23-ին Սանտուշը գլխավորեց Պորտուգալիայի հավաքականը^[11]։ 2016 թվականի հուլիսի 10-ին Պորտուգալիայի հավաքականը նրա գլխավորությամբ առաջին անգամ պատմության մեջ դարձավ Եվրոպայի չեմպիոն՝ եզրափակչում հաղթելով առաջնությունը հյուրընկալող Ֆրանսիայի հավաքականին։

2016 թվականի հուլիսի 19-ին Սանտուշը պորտուգալական ֆուտբոլի ֆեդերացիայի հետ ստորագրեց նոր պայմանագրի տակ, որը կգործի մինչև 2020 թվականը^[12]։

«Պորտու»

• Պորտուգալիայի չեմպիոն. 1998-99
• Պորտուգալիայի գավաթի հաղթող. 1999-00, 2000-01
• Պորտուգալիայի սուպերգավաթի հաղթող. 1998, 1999

ԱԵԿ (Աթենք)

• Հունաստանի գավաթ. 2001-02

Պորտուգալիայի հավաքական

• Եվրոպայի չեմպիոն. 2016

• Տասնամյակի լավագույն մարզիչ Հունաստանում (2010)^[3]։

Թիմ	Երկիր	Սկիզբ	Վերջ	Արձանագրություն
				խաղեր	հաղթանակներ	ոչ ոքիներ	պարտություններ	% հաղթանակ
Էշտորիլ Պրայա		1990	1994	140	41	42	57	29.29
Էշտրելա (Ամադորա)		1994	1998	136	39	47	50	28.68
Պորտու		1998	2001	102	70	18	14	68.63
ԱԵԿ (Աթենք)		2001	2002	26	19	1	6	73.08
Պանատինայկոս		2002	2003	4	1	0	3	25,00
«Սպորտինգ» (Լիսաբոն)		2003	2004	34	23	4	7	67.65
ԱԵԿ (Աթենք)		2004	2006	60	38	15	7	63,33
Բենֆիկա		2006	2007	31	20	8	3	64.52
ՊԱՕԿ		2007	2010	95	48	21	26	50.53
Հունաստան		2010	2014	47	26	14	7	55.32
Պորտուգալիա		2014	այժմ	26	17	3	6	65.38
Ընդհանուր				701	342	173	186	48,78

Տվյալներն ըստ 2016 թվականի հուլիսի 10-ի