Ֆրեդի Քարթեր

Քարթերը ծնվել է Պլիմուտում և մեծացել Սոմերսեթում։ Քանի որ նրա հայրը ծառայել է բանակում^[1], նա անցկացրել է իր մանկության մի մասը տեղափոխվելով տեղից տեղ։ Նրա ավագ եղբայրը դերասան Թոմ Օսթինն է, նրանք ունեն նաև միջին եղբայր^[2]։ Երեքն էլ սովորել են Տոնտոնի թագավորական քոլեջում^[3][4]։ Այնուհետև Քարթերը շարունակել է դերասանական ուսուցումը Օքսֆորդի դրամայի դպրոցում, որն ավարտել է 2015 թվականին^[5]։

Դպրոցն ավարտելուց հետո Քարթերը Քինգսթոնում մասնակցել է ռեժիսոր Թրևոր Նանի «Վարդերի պատերազմներ» բեմադրությանը^[6][7]։ Քարթերը իր դեբյուտը էկրանին կատարել է 2017 թվականին DC Comics-ի «Հրաշք կին» ֆիլմում որպես զինվոր։ Նույն թվականին Քարթերը ստացել է իր առաջին գլխավոր դերը Նեթֆլիքսի «Ազատ կամք» սերիալում^[8][9][10]։ Այնուհետև Քարթերը 2018 թվականին նկարահանվել է «Վանքը» սարսափ ֆիլմում^[11]։

2019 թվականին Քարթերը գրել և նկարահանել է իր առաջին կարճամետրաժ № 89 ֆիլմը^[12]։ Նա նկարահանվել է Channel 5 հեռուստաալիքի «15 օր» մինի սերիալում՝ մարմնավորելով Թոմի դերը^[13][14] և Ջեյսոնի դերը ամերիկյան Pennyworth սերիալում^[15]։ 2019 թվականի հոկտեմբերին հայտարարվել է, որ Քարթերը 2021 թվականին կատարելու է Նեթֆլիքսի «Ստվեր և ոսկոր» սերիալի Քազ Բրեքերի դերը^[16]։