Crédit Agricole

Crédit Agricole (արտասանվում է Կրեդի ագրիկոլ), ֆրանսիական ֆինանսական կոնգլոմերատ, որը BNP Paribas-ի, Société Générale-ի և Groupe BPCE-ի հետ մեկտեղ կազմում է ֆրանսիական բանկային շուկայի «մեծ քառյակը»։ Մեծությամբ Ֆրանսիայի երկրորդ, Եվրոպայի երրորդ և աշխարհի տասներորդ բանկն է^[3]։ Շտաբ-բնակարանը գտնվում է Փարիզում։ Հիմնադրվել է 1894 թվականին։ 2009 թվականին Fortune Global 500 մրցույթում գրավել է 46-րդ տեղը^[4]։ 2018 թվականին իր ակտիվների հանրագումարով աշխարհում զբաղեցրել է տասներորդ տեղը^[5]։ 2011 թվականից համարվում է համաշխարհային մասշտաբով համակարգային նշանակություն ունեցող բանկ^[6]։ Crédit Agricole խմբի հիմնական ընկերությունը Crédit Agricole S.A.-ն է։ Խմբի մեջ մտնում են նաև Crédit Lyonnais բանկը, այլ երկրներում գործող մի շարք բանկեր, ապահովագրական ընկերություն և ակտիվների կառավարմամբ զբաղվող Amundi ընկերությունը։ Խումբը ներկայացված է 48 երկրներում (այդ թվում՝ Հայաստանում), ունի շուրջ 10.000 բաժանմունքներից բաղկացած ցանց (դրանցից 8.200-ը Ֆրանսիայում), որոնց միջոցով սպասարկում է 52 միլիոն հաճախորդների։ Ինչպես բանկի անվանումն է հուշում՝ այն պատմականորեն սերտ առնչություն ունի գյուղատնտեսության ֆինանսավորման հետ^[7]։

Crédit Agricole
Տեսակ	բիզնես ձեռնարկություն, վարկային կազմակերպություն, բանկ, ֆինանսական ինստիտուտ, cooperative bank? և հանրային ընկերություն
Հիմնադրված է	2000
Վայր	Մոնրուժ, Ֆրանսիա և Փարիզ
Երկիր	Ֆրանսիա
Արդյունաբերություն	Q112165989?[1]
Հասույթ	25,2 մլրդ € (2023)[2]
Աշխատողների թիվ	150 000 մարդ (դեկտեմբերի 31, 2012)
Դուստր ընկերություններ	Crédit Lyonnais?, Crédit Agricole Italia?, Crédit agricole de La Réunion?, Crédit Agricole Corporate and Investment Bank?, Square Habitat?, Crédit agricole assurances? և Caceis?
Կայք	credit-agricole.com​(ֆր.)​(անգլ.)
Մասնակից է	Fédération bancaire française?
Բորսա	Euronext
Crédit Agricole Վիքիպահեստում