Giant Bomb
Giant Bomb, ամերիկյան վեբ կայք, որը հրապարակում է նորություններ և ակնարկներ նվիրված համակարգչային խաղերին։ Ինչպես նաև կայքն ունի տվյալների բազա նվիրված խաղերին։ Կայքը հիմնադրվել է GameSpot-ի նախկին խմբագիր Ջեֆֆ Ջերստաննի և Ռայան Դէվիսի կողմից Whiskey Media-ի հետ համագործակցության արդյունքում։ Կայքը, 2011 թվականին Time ամսագրի կողմից ընգրկվել է «Թոփ-50» ամենահաճախ այցելվող կայքերի ցանկում[2]։ 2012 թվականի մարտին կայքը գնվեց ամերկյան CBS Interactive ընկերության կողմից[3]։
| giantbomb.com(անգլ.) | |
|---|---|
| Տեսակ | լրատվական կայք համակարգչային խաղերի մասին, Վիքի և video game database? |
| Երկիր |  ԱՄՆ |
| Շտաբ կայան | Սան Ֆրանցիսկո, ԱՄՆ |
| Լեզու | անգլերեն |
| Սեփականատեր | Red Ventures? |
| Մայրական ընկերություն | Red Ventures?[1] |
| Հեղինակ | Jeff Gerstmann? և Ryan Davis? |
| Բացված | մարտի 6, 2008 |
2022 թվականի հոկտեմբերի 3-ին Giant Bomb-ը և այլ առցանց նախագծեր, որոնք գնտվում էին Red Ventures-ի ղեկավարության ներքո, գնվեցին Fandom ընկերության կողմից[4][5]։
Պատմություն
2007 թվականի նոյեմբերի 28-ին Ջեֆֆ Ջերսթմաննը հեռացվեց GameSpot-ի խմբագրման բաժնի ղեկավարի պաշտոնից[6]։ Հեռացումից հետը Ջեֆֆը սկսեց համագործակցել մի շարք վեբ դիզայներների հետ նոր կայքի մշակման համար։ Համացանցում սկսեցին լուրեր տարածվել, որ Ջեֆֆի հեռացման վրա ազդել է Eidos Interactive ընկերության ճնշումը, որը հարավում էր Kane & Lynch: Dead Men խաղի հրատարակիչը, քանի որ Ջեֆֆը կայքում տեղադրել էր բացասական ակնարկ խաղի մասին։ Սակայն ավելի ուշ, կայքի ղեկավարությունը և CNET Networks ընկերությունը հայտարարեցին, որ հեռացումըկապված չէ այդ ակնարկի հետ[7]։ Այս դեպքերից հետո կայքը լքեցին մի շարք խմբագիրներ, այդ թվում՝ Ալեքս Նավարրոն, Ռայան Դէվիսը, Բրէդ Շումեյկերը և Վաննի Կարավելլան։ Դէվիսը իր հեռացման մասին հայտարարեց 2008 թվականի փետրվարին, որպես այդպիսին հեռացման պատճառ նշելով Ջեֆֆի հեռացումը[8]։