«Stay», բարբադոսցի երգչուհի Ռիհաննայի երգն է, համագործակցությամբ ամերիկացի երգիչ Միկի Էկոյի հետ։ Այն թողարկվել է 2013 թվականի հունվարի 7-ին, որպես Ռիհաննայի «Unapologetic» կոչվող թվով յոթերորդ ստուդիական ալբոմի երկրորդ սինգլ։ Երգը գրվել է Միկի Էկոյի, Էլոֆ Լոելվի և Ջասթին Փարքերի կողմից։
Երգի տեսահոլովակի ռեժիսորն է Սոֆի Մյուլերը[1]։ 2013 թվականի փետրվարի 10-ին, Գրեմմի մրցանակաբաշխության կարմիր գորգի հարցազրույցներից մեկում հայտնի է դառնում, որ երգի տեսահոլովակի պրեմիերան կայանալու է E! News-ի եթերում հաջորդ օրը՝ փետրվարի 11-ին[2]։ Պրեմիերայից հետո, այն տեղադրվել է Ռիհաննայի VEVO էջում[3]։
Սյուժե
Տեսահոլովակը սկսվում է հոսող ջրի կադրով։ Այնուհետև Ռիհաննան հանում է հագուստը և մտնում լոգարան։ Տեսահոլովակի մնացած ողջ ընթացքում երգչուհին երևում է մերկ՝ կանաչ ջրով լի լոգարանի մեջ։ Խոշոր պլանով հաճախակի ցուցադրվում է նրա տխուր դեմքը, որի մի կողմում հավաքվել են նրա խառնված և թաց մազերը։ Երգչուհին երբեմն գլուխը դնում է ծնկներին, իսկ նրա ուռած աչքերը նայում են առաստաղին։ Խոշոր պլանով ցուցադրվում է նրա ադամանդե ականջօղը և ներկված եղունգները[4]։ Միկի Էկոն նույնպես նկարահանվել է տեսահոլովակում, որն իր հատվածը երգում է առանձին սենյակներում[5]։ Տեսահոլովակի ավարտին Ռիհաննան արտասվում է, այնուհետև` սուզվում լոգարանի ջրի տակ[6]։
*Վաճառքի վերաբերյալ տվյալները հիմնված են միայն հավաստագրումների վրա։ ^Տվյալները հիմնված են միայն հավաստագրումների վրա։ xՉճշտված տվյալները հիմնված են միայն հավաստագրումների վրա։
2013 թվականի մայիսի 9-ին RIAA-ի թվային սինգլների հավաստագրումները ներառում են ոչ միայն ներբեռնումները, այլև աուդիո և/կամ վիդեո երգերի պատվերները[68]