The Thrill of It All (ալբոմ, Սեմ Սմիթ)
The Thrill of It All, անգլիացի երգիչ և երգահան Սեմ Սմիթի երկրորդ ստուդիական ալբոմը[1]։ Թողարկվել է 2017 թվականի նոյեմբերի 3-ին Capitol Records լեյբլում[2]։
| The Thrill of It All | |
|---|---|
.png) | |
| Սեմ Սմիթի | |
| Թողարկված | 3 նոյեմբերի, 2017 թվական |
| Ժանր | փոփ |
| Տևողություն | 35:38 |
| Լեզու | անգլերեն |
| Լեյբլ | Capitol Records |
| Պրոդյուսեր | Թիմբալենդ |
Նախապայմաններ
2017 թվականի հոկտեմբերի 6-ին Սեմը թվիթթերյան իր էջում հայտարարել է, որ իր երկրորդ՝ «The Thrill of It All» ալբոմը թողարկվելու էր 2017 թվականի նոյեմբերի 3-ին[3]։ Սա Սեմի երկրորդ թողարկվող ալբոմն էր իր՝ մեծ հաջողություն ունեցած «In the Lonely Hour» դեբյուտային ալբոմից հետո, որը թողարկվել է 2014 թվականին և վաճառվել ավելի քան 12 միլիոն օրինակով ամբողջ աշխարհում։
Սինգլեր
«Too Good at Goodbyes» երգը թողարկվել է 2017 թվականի սեպտեմբերի 8-ին որպես ալբոմի լիդ սինգլ։ Սինգլը գլխավորել է բրիտանական հիթ-շքերթը և ընդգրկվել ամերիկյան հիթ-շքերթի լավագույն հնգյակում։
2017 թվականի նոյեմբերի 3-ին՝ ալբոմի թողարկման օրը, «One Last Song» սինգլն ուղարկվել է բրիտանական ռադիո որպես ալբոմի երկրորդ սինգլ[4][5]։
2018 թվականի մարտի 27-ին Սեմը հայտարարել է, որ իր «Pray» երգը կթողարկվի որպես ալբոմի երրորդ սինգլ։ «Pray» սինգլը համագործակցություն է ամերիկացի ռեփեր Լոջիքի հետ։ Սինգլը թողարկվել է 2018 թվականի մարտի 29-ին[6]։
«Baby, You Make Me Crazy» սինգլը թողարկվել է 2018 թվականի հունիսի 29-ին որպես ալբոմի չորրորդ սինգլ[7]։
Քննադատություն
| Մասնագիտական վարկանիշ | |
|---|---|
| Aggregate scores | |
| Աղբյուր | Վարկանիշ |
| Metacritic | 72/100[8] |
| Վերլուծություններ | |
| Աղբյուր | Վարկանիշ |
| AllMusic |    [9] |
| The Daily Telegraph | [10] |
| Entertainment Weekly | B[11] |
| The Guardian | [12] |
| The Independent | [13] |
| NME | [14] |
| The Observer | [15] |
| Pitchfork | 5.8/10[16] |
| Rolling Stone | [17] |
| Slant Magazine | [18] |
«The Thrill of It All» ալբոմը երաժշտական քննադատների կողմից արժանացել է հիմնականում դրական արձագանքների։ «Metacritic» կայքն ալբոմին տվել է 72 միավոր 100 հնարավորից[8]։
«The Daily Telegraph»-ից Նեյլ Մաքքորմիքը ալբոմին տվել է չորս աստղ։ Նա շատ բարձր է գնահատել Սեմի վոկալային տվյալները՝ դրանք կոչելով «գերբնական»[10]։
«The Independent»-ից Էնդի Գիլլը նույնպես ալբոմին տվել է չորս աստղ և կիսվել է իր դրական կարծիքով[13]։
«Rolling Stone»-ից Ուիլ Հերմեսը դրական կարծիք է հայտնել ալբոմի վերաբերյալ՝ այն գնահատելով չորս աստղ[17]։
Մեկ այլ դրական կարծիք է հայտնել «NME»-ից Նիք Լևայնը, ով Սմիթին համեմատել է Ադելի հետ և ասել․ «Նրանք, երգելով հուզական բալլադներ, երկուսն էլ հասել են անհավանական հաջողության, ինչը միավորել է մեծաթիվ ունկընդիրների։ Բայց Ադելի «25» ալբոմի նման սա անհերքելիորեն ստացված ալբոմ է, որը կվաճառվի բազմաթիվ օրինակներով»[14]։
Կոմերցիոն հաջողություններ
«The Thrill of It All» երգը գլխավորել է բրիտանական ալբոմների հիթ-շքերթը թողարկման առաջին իսկ շաբաթում՝ վաճառվելով ավելի քան 97 հազար օրինակով[19][20][21]։
Ավստրալիայում ալբոմը միանգամից զբաղեցրել է երկրորդ հորիզոնականը։ Այսպիսի արդյունք է գրանցվել նաև Սեմ Սմիթի առաջին՝ «In the Lonely Hour» ալբոմի ալբոմը[22] Ալբոմն իռլանդական հիթ-շքերթում զբաղեցրել է առաջին հորիզանականը[23]։
Ալբոմն ընդգրկվել է Billboard 200 հիթ-շքերթում՝ վաճառվելով ավելի քան 185 հազար օրինակով։ Հաջորդ շաբաթ ալբոմն զբաղեցրել է երկրորդ հորիզոնականը[24]։ Կանադական հիթ-շքերթում ալբոմն զբաղեցրեց առաջին հորիզոնականը՝ վաճառվելով 16000 օրինակով[25]։