Australian Plant Name Index
Ti Australian Plant Name Index (APNI) ket ti maysa nga online database iti amin a naipablaak a nagnagan dagiti baskular a mula ti Australia.[1][2][3] Daytoy ket sakupenna amin dagiti nagan, no man agdama a nagnagan, dagiti sinomino wenno dagiti imbalido a nagan. Mangiraman daytoy kadagiti bibliograpiko ken tipipikasion a salaysay, pakaammo manipud iti Australian Plant Census a mairaman ti pannakaiwarwaras babaen ti estado, silsilpo kadagiti sabali a rekurso a kas dagiti mapa ti urnong ti espesimen ken dagiti retrato ti mula, ken ti pasilidad para kadagiti nota ken dagiti komento kadagiti sabali nga aspekto.
Pakasaritaan
Kasisigud a kapanunotan babaen ni Nancy Tyson Burbidge, daytoy ket nangrugi a kas uppat a tomo a naimaldit nga obra a buklen dagiti 3,055 a pampanid, ken aglaon kadagiti sumurok a 60,000 a nagnagan ti mula. Inurnong babaen ni Arthur Chapman, daytoy ket parte idi ti Australian Biological Resources Study (ABRS). Idi 1991 naaramid daytoy a magun-od a kas maysa nga online a database, ken naited iti Australian National Botanic Gardens. Kalpasan ti dua a tawen, ti akinrebbeng para iti pannakaitaripatona ket naited idi iti kabarbaro a naporma a Centre for Plant Biodiversity Research.
Sakup
Bigbigen babaen ti herbario ti Australian a kas ti autor a taudan para iti nomenklatura ti mula ti Australia, daytoy ket ti bugas a komponente iti Australia's Virtual Herbarium, ti maysa a kolaboratibo a proyekto nga addaan iti puonan iti A$10 a riwriw, a naigandat a mangited iti naikaykaysa a panagserrek iti online kadagiti datos ken dagiti urnong ti espesimen kadagiti nangruna a herbario ti Australia.
Adda dagiti dua a magun-od nga interface iti panagsaludsod:
- Australian Plant Name Index (APNI), ti maysa napno a panagsaludsod a mangipaay kadagiti napno a resulta, nga awanan iti automatiko a panangipatarus, ken ti
- What's Its Name (WIN), ti basbassit a nabileg anga interface ti panagsaludsod a mangipaay kadagiti napabassit a resulta, a manayonan iti automatiko (ken saan a kankanayon a husto) nga imperensia iti kabarona.
Kitaen pay
- Atlas of Living Australia
- International Plant Names Index
- Botaniko a nomenklatura
- Index Kewensis
- Council of Heads of Australasian Herbaria
Dagiti nagibasaran
- "Australian Plant Name Index". Naiyarkibo manipud iti kasisigud idi 3 Septiembre 2007. Naala idi 2007-09-09.
- "The Australian Plant Name Index: an on-line resource of Australian plant names, and What's Its Name ?". Naiyarkibo manipud iti kasisigud idi 3 Septiembre 2007. Naala idi 9 Septiembre 2007.
- Chapman, Arthur (1991). Australian Plant Name Index (Australian Flora and Fauna Series 12—15). Canberra: Australian Government Publishing Service.
Dagiti akinruar a silpo
- Opisial a website ti Australian Plant Name Index (APNI) — napno a naisalaysayan a panagbiruk.