Balmea
Ti Balmea ket ti monoespesipiko a henero dagiti agsabsabong a mula iti pamilia ti Rubiaceae nga aglaon iti bugbugtong a sebbangan ti Balmea stormiae. Daytoy ket patneng iti El Salvador, Guatemala ken Mehiko (Nayarit, Jalisco, Colima, Guerrero, Michoacán, Chiapas).[1] Daytoy ket lokal nga ammo a kas ayuque.[2] Daytoy ket sukog balisongsong ket maus-usar a kas kayo ti Paskua kadagiti parte ti Mehiko.[2] Gapu ta dagiti populasion ket nakaro a maap-apit, daytoy a sebbangan ket maipangta iti pannakaungaw.[2]
| Balmea | |
|---|---|
Taksonomia  | |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Asterids |
| Urnos: | Gentianales |
| Pamilia: | Rubiaceae |
| Subpamilia: | Cinchonoideae |
| Tribu: | Hillieae |
| Henero: | Balmea Martinez |
| Sebbangan: | B. stormiae |
| Dua a nagan | |
| Balmea stormiae Martinez | |
 | |
Deskripsion
Ti mula ket bassit a mula iti uppat aginggana iti pito a metro. Ti nalamuyot, maraberde purpura nga ukis ti kayo ket maukisan kadagiti saan a kadawyan a naingpis a pirgis. Natangken ken marapuraw ti kayo. Dagiti akaba nga arinduyog ken ababa a timmirad a bulong ket agririmpuokda iti ungto dagiti sanga. Agsabong daytoy manipud iti Agosto aginggana iti Oktubre ken dagiti hermaproditiko a sabong ket maris kolor eskarlata -nalabbasit, mamarisan bassit iti purpura. No napno nga agulrad agbalinda a nangisit a purpura ken nasam-it ti bangloda iti rabii. Maluom dagiti bunga manipud iti Disiembre aginggana iti Enero ken nalintegda a kapsula, iti agarup a 25 mm iti kaatiddog nga aglukat iti ungto kadagiti dua a kasla butbot a paspaset. Dagiti adu a bukel ket makaipakita kadagiti retikulado a payak iti agarup a 4 mm.[3]
Taksonomia
Ti henero ket nanaganan a kas pammadayaw ken ni botaniko Juan Balme ken dagiti sebbangan ket nanaganan a kas pammadayaw ken ni Marian Storm, timays akadua ti nangipalawag.[3] Ti henero ket asideg a kabagian ti Cosmibuena ken Blepharidium.[3]
.svg){kind=link}