Wayback Machine

Ti Wayback Machine ket ti dihital nga arkibo iti World Wide Web ken ti sabali a pakaammo iti Internet a pinartuat babaen ti Internet Archive, ti saan nga agganganansia a gunglo, a naikuarte idiay San Francisco, California, Estados Unidos. Daytoy ket inrugi da Brewster Kahle ken Bruce Gilliat, ken tinartaripato nga addaan iti linaon manipud iti Alexa Internet. Ti serbisio ket mangpakabael kadagiti agar-aramat ti mangkita kadagiti naarkibo a bersion ti panid ti web kadagiti napalabas a panawen, a tinawtawagan daytoy iti arkibo ti "tallo iti dimensionna a pagsurotan."

Wayback Machine

Ti logo ti Wayback Machine , naus-usaren manipud idi 2001
Kita ti sitio	Arkibo
Agtagikua	Internet Archive
URL	archive.org/web/

Manipud idi 1996, nagar-arkibodan kadagiti na-cache a pampanid kadagiti sitio ti web kadagiti dakkel a rimpuok dagiti nodo ti Linux. Bisitaaenda manen dagiti sitio iti tunggal mamin-ano a lawas ken mangarkibo iti baro a bersion no nabaliwan ti linaon. Ti keddeng ket ti mangala ken mangarkibo ti linaon a mapukawto no ti sitio ket mabaliwan wenno marikpan. Ti dakkel a sirmatada ket ti mangarkibo ti intero nga Internet.^[4]

Ti nagan nga Wayback Machine ket napili idi a kas makaang-angay a reperensia iti alikamen a mangiparang-ay ti sarita iti serye ti animado a kartoon, ti The Rocky and Bullwinkle Show. iti maysa a paset iti dayta nga animado a kartoon, ti Peabody's Improbable History, dagiti bida a karakter a ni Mr. Peabody ken ni Sherman ken kankanayonda a nagus-usar iti makina ti panawen a tinawtawagan iti "WABAC machine" (naibalikas iti wayback) tapno masaksian, makisalisal iti, ken, iti masansan ngem iti saan, baliwanda dagiti nadayeg a pasamak iti pakasaritaan.^[5][6]