Erwin Schrödinger

Ni Erwin Rudolf Josef Alexander Schrödinger (Aleman: [ˈɛʁviːn ˈʃʁøːdɪŋɐ]; 12 Agosto 1887 – 4 Enero 1961), ket maysa idi nga Austriano a pisiko a nagparang-ay kadagiti adu a kammasapulan a nagbanagan iti pagobraan ti kuantum a teoria, a nangporma ti batayan dagiti allon a mekanika: isu ket nangiyannugot ti allon nga ekuasion (agtaltalinaay ken agkamkammatalek ti oras nga ekuasion ni Schrödingern) ken nagipakita ti identidad ti daytoy a panagparang-ayna iti pormalismo ken matris a mekanika. Ni Schrödinger ket nangisingasing ti maysa a kasisigud a panagipatarus ti maipapan ti bagi a kayat a sawen ti allon a pamay-an ken dagiti simarsaruno a tawen ket nagtultuloy a dinildillawna ti panagipatarus ti taripnong ti Copenhagen iti kuantum a mekanika (a nagus-usar a ti paradokso ti pusa ni Schrödingert). Iti pay maipatinayon, isu pay ket nagsurat kadagiti nadumaduma apagobraan ti pisika: ti estadistika a mekanika ken termodinamika, pisika ti dielektriko, teoria ti maris, elektrodinamika, sapasap a relatibidad ken kosmolohia, ken nagpadpadas kadagiti adu a panagaramid ti maysa a naipagkaykaysa a teoria ti pagobraan. Iti librona a "Ania ti biag?" ni Schrödinger ket nangibagbaga ti parikut dagiti henetiko, a nagkitkita ti penomeno ti biag manipud iti panirigan iti pisika. Isu ket nangikaskaso unay kadagiti pilosopiko nga aspeto ti siensia, duog ken oriental a konsepto ti pilosopia, etika ken relihion.^[1] Isu ket nagsurat pay iti pilosopia ken teoretikal a biolohia.