Lasianthus

Ti Lasianthus ket ti henero dagiti agsabsabong a mula iti pamilia ti Rubiaceae. Dagitoy ket tropikal a babassit a mula wenno karkarna a bassit a kayo. Mabirukan dagitoy kadagiti sirok ti nangruna a bakir. Awan ti ammo a serbi dagitoy.

Lasianthus
Lasianthus fordii
Taksonomia
Pagarian:	Plantae
(di nairanggo):	Angiospermae
(di nairanggo):	Eudicotidae
(di nairanggo):	Asterids
Urnos:	Gentianales
Pamilia:	Rubiaceae
Subpamilia:	Rubioideae
Tribu:	Lasiantheae
Henero:	Lasianthus William Jack 1823
Sebbangan-kita
Lasianthus cyanocarpus William Jack
Sebbangan
Agarup a 180 a sebbangan. Kitaen ti teksto.

Ti Lasianthus ket addaan kadagiti agarup a 180 a sebbangan. Ti sebbangan-kita para iti henero ket ti Lasianthus cyanocarpus. ^[1] Idi 2012, ti maysa a rebision ti Lasianthus iti Malesia ket nangipalawag kadagiti 131 a sebbangan.^[2] Dagiti sabali pay a 30 a sebbangan ket agtubo kadagit sabali a lugar iti tropikal nga Asia.^[3] Kaaduan kadagitoy ket naipalawag iti Flora of China^[4] wenno iti A Revised Handbook to the Flora of Ceylon.^[5] Sangapulo ket lima a sebbangan^[6] wenno mabalin nga ad-adu ngem 20 a sebbangan^[7] ket ammo a manipud iti tropikal nga Aprika. Du a sebbangan (Lasianthus panamensis ken Lasianthus lanceolatus),^[8] wenno mabalin a tallo, ket patneng iti neotropiko.^[6] Ti Lasianthus strigosus, manipud iti Queensland, ket ti laeng ammo a sebbangan manipud iti Australia. Ti Ixora baileyanati Australia ket dati a naikabil iti Lasianthus a kas Lasianthus graciliflorus.^[9]

Dagiti namaga nga espesimen ti Lasianthus ket masansan a mangtinnag kadagiti sabong ken bungada. Gapu iti daytoy a rason, kadawyan ti madi a pannakailasin, uray iti herbario.

Ti nagan ti Lasianthus ket madi a naipakat iti Lisianthius (nailetra pay a kas "Lisianthus" wenno "Lisyanthus"^[10]), ti maysa a henero iti Gentianaceae. Ti Lasianthus alatus Aublet ket ti maysa a madi a pannakailetra ti Lisyanthus alatus Aublet, ti maysa a sebbangan a naikabil itan iti Chelonanthus.