Lindsaeaceae
Ti Lindsaeaceae ket ti pantropikal a pamilia dagiti pako iti urnos ti Polypodiales. Daytoy ket aglaon kadagiti innem wenno pito a henero iti agarup a 220 nga ammo a sebbangan,[2] a sumagmamano a maigay-at pay kadagiti ad-adu a kalalainganna a rehion iti akindaya nga Asia, Baro a Selanda, ken Abagatan nga Amerika.[3]
Lindsaeaceae | |
---|---|
Lindsaea linearis | |
Taksonomia | |
Pagarian: | Plantae |
Klado: | Tracheophytes |
Klase: | Polypodiopsida |
Urnos: | Polypodiales |
Sub-urnos: | Lindsaeineae |
Pamilia: | Lindsaeaceae C.Presl ex M.R.Schomb.[1] |
Dagiti henero | |
Kitaen ti teksto. |
Deskripsion
Dagiti pannakailasin ket mairaman dagiti sumaganad: dagiti risoma ket ababa aginggana iti atiddog a dumalapdap; dagiti risoma nga agraman kadagiti di nalaga a siksik wenno di nasangaan a dutdot; dagiti bulong iti 1-3 a pinado wenno ad-adu a nabingbingay; kadawyan nga awan urat; dagiti marginal a sorus wenno submarginal; nawaya nga indusia a mapan iti paraigid, sagpaminsan a naikapet kadagiti igid, wenno dagiti sorus a naabbongan babaen ti agpababa nga umadayo a paraigid.[4]
Taksonomia
Iti ad-adu ngem maysa a siglo, dagitoy a pako ket naikeddeng a parte ti Davalliaceae. Nangrugi idi tengnga ti maikaduapulo a siglo nangrugrugidan a naiyakar iti Dennstaedtiaceae. Sinuportaran ti molekular a datos ti pannakaisina ti Lindsaeaceae iti bukodna a pamilia, a naikeddeng idi 1970.[3] Naikeddeng ti Lindsaeaceae a kaaduan a basalo kadagiti pamilia iti urnos ti Polypodiales. Ti maysa a hipotesis para iti pannakaikabagian iti kaunegan ti urnos ket maipakita iti sumaganad a kladograma:[5]
Polypodiales |
| ||||||||||||||||||||||||
Ti henero ti Lonchitis ket addaan kadagiti adu a pannakailasin a maipada iti Dennstaedtiaceae, ngem bassit laeng dagiti pannakailasin ti espora a maipada kadagiti henero ti lindsaeoid, ken ti molekular a datos ket ikabilna daytoy a henero iti Lindsaeaceae.[6] Naikabil itan daytoy iti kabagian a pamilia ti Lonchitidaceae.[7]
Dagiti henero
Ti Pteridophyte Phylogeny Group a panangidasig ti 2016 (PPG I) ket mangbigbig kadagiti pito a henero.[5]
- Lindsaea Dryand. ex Sm. (agarup a 180 a sebbangan)
- Nesolindsaea Lehtonen & Christenh. (2 a sebbangan)
- Odontosoria Fée (agarup a 23 a sebbangan)
- Osmolindsaea (K.U.Kramer) Lehtonen & Christenh. (agarup a 7 a sebbangan)
- Sphenomeris Maxon (3 a sebbangan)
- Tapeinidium (C.Presl) C.Chr. (18 a sebbangan)
- Xyropteris K.U.Kramer (1 a sebbangan)
Italinaay dagiti sabali a taudan ti Xyropteris iti Lindsaea,[8] ken ikabilda amin dagiti tallo a sebbangan ti Sphenomeris iti Odontosoria.[9]
Dagiti sabali a henero a naikabilen iti Lindsaeaceae ket:[7]
- Lonchitis L. – naiyakar iti bukodna a pamilia iti Lonchitidaceae
- Saccoloma Kaulf. – naiyakar iti bukodna a pamilia iti Saccolomataceae
- Cystodium J.Sm. – naiyakar iti bukodna a pamilia iti Cystodiaceae