Rhodolaena bakeriana
Ti Rhodolaena bakeriana ket ti kayo iti pamilia ti Sarcolaenaceae. Daytoy ket endemiko iti Madagascar.
| Rhodolaena bakeriana | |
|---|---|
Taksonomia  | |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Urnos: | Malvales |
| Pamilia: | Sarcolaenaceae |
| Henero: | Rhodolaena |
| Sebbangan: | R. bakeriana |
| Dua a nagan | |
| Rhodolaena bakeriana | |
Deskripsion
Agtubo ti Rhodolaena bakeriana kas kalalainganna iti kadakkel a kayo. Nadutdotan dagiti barsanga. Daytoyket addaan kadagiti bassit aginggana iti kalalainganna iti kadakkel a bulong, immitlog, eliptiko wenno arinduyog iti sukog. Dagiti inploressensia ket addaan iti maysa wenno dua a sabong iti atiddog nga ungnkay. Dagiti saggaysa a sabong ket dakkelda unay nga agraman iti lima a sepalo ken lima a purpura-nalabbasit a petalo, nga agrukod aginggana iti 5 sentimetro (2 in) iti kaatiddog. Dagiti bunga ket kalalainganna iti kadakkel ken natarikayo.[2]
Pannakaiwarwaras ken habitat
Mabirukan laeng ti Rhodolaena bakeriana iti tengnga aginggana iti amianan a tengnga dagiti rehion ti Analamanga, Sava, Haute Matsiatra ken Alaotra-Mangoro.[1] Ti habitatna ket nadam-eg aginggana iti nadam-eg bassit a kankanayon a berde a bakir manipud iti 900 metro (3,000 ft) aginggana iti 1,400 m (4,600 ft) iti kangato.[2]
Dagiti pangta
Maipangta ti Rhodolaena bakeriana babaen ti panaggundaway iti kayona. Ti masakbayan a pannakaipabassit ti populasionna gapu ti pannakaawan iti habitat ket maipadto iti 50% aginggana iti 80%. Adda dagiti sumagmamano a populasion ti kayo a mabirukan kadagiti nasalakniban a lugar. Ti preliminario a kasasaad ti sebbangan ket Madanar.[2]
.svg){kind=link}