| Dialäkt: Schwäbisch |
Abgeodnede send d Vrtredr vo ara Grupp. Desch naidig, wann s suscht zviel Leid zsemmakomma müaßded. Des geids en dr Bolidig, bei graoße Veroi ond soziale Eirichdonga.
Am Afang vo Gmoischafda hend d Leid -älle- se droffa ond so lang midanaaandr greded bis se sich oinig warad. Wia d Gmeinschafda graißr worra send, isch des nemme ganga. Mo hod se auf Leid goingd, dia fir a Grubb greded hend. Do ka ma dene Leid genau saga, was se absschdemma sollad (imperativr Aufdrag] odr mo hod en se vrdraud ond hod se s Beschde fr d Vrdredene suacha lao (freis Mandad). Am Afang war des a Arbed nebam Schaffa.
Bevor s Füschda odr Kenig geba hod, wared s Thing bei de Germana odr wia no heid en Doil vo Afrika[1]
En dr Zeid, mos Firschda geba hod, hend se d Leid d Midsschbroch wiedr erkämbfa müassa. Desdrwega hods en Wirddeberg wiedr a Midbeschdimmong geba, d Wirddaberische Landschdänd.
Oms Geld gohds emmr.
Oine vo de wichdigschde Aufgaba vo de Abgordnede isch, dr Regierong beim Geldausgeba auf d Fengr z gugga ond drübr z beschliassa.
Abgeordnete send a wichdigr Doil vo dr Demokratie. Weil ma vo Lufd ond Liab ned leba kaa, griaged se Geld drfir. Neba de Diäta, ara Okoschdapauschal, krigad se Büroausstattong, Reisekosten, Sachleischdongskonto, Mitarbeiterpauschal ond Ibergangsgeld.
D Abgeordnede sollad jo ned vrhongra. Drom griaged se Geld.[2]
En Berlin, em Bundesdag kriaged se (2016) monadlich 9.327,21 Euro.[3][A 1]
Drzua kommad 4.305,46 € fir Ausgaba[4][A 2]
D Landdagsabgorndede griagat 7.616 Euro em Mooned.[5][A 1]
Em Aldr sollad se ned am Hongrduach naga. Drom griaged se Pensiona. Wann se dia Pensiona griagad isch odrschielch.
A Pensioo geids wemma 1 Joor Abgordneder war mid 65 Joor.[6]67,5 Prozend vo dr Abgeordnedaentschädigong noch 27 Mitgliedsjoohr erreichd.[6]
A Pensioo geids wemma 8 Joor Abgordneder war mid 60 Joor.Drvor griaged se an Vorsorgebeitrag in Höhe von monatlich 1.679 Euro[5]