Dr Greis (* 3. April 1978 z Lausanne; bürgerleche Name Grégoire Vuilleumier) isch e bekannte Bärner Mundart-Rapper. Zämme mit em Poul Prügu (friener Eron), em Phantwo und em Krust bildet är d Gruppe PVP. PVP ghört zämme mit dr Band Wurzel 5 (Serej, Tiersch, Dienson), dä beide MC's Thomes & Baze sowie de beide Dj's Link und Skoob zur Chlyklass-Crew.
Zämme mit em dütsche Curse, em Baselbieter Taz (ghört zu Tafs, WB-Tal) und em Claud als Produzänt het ärs Album Prestige usebrocht.
Dr Greis thematisiert ärnsthafti Theme wie soziali Missständ, persönligi Problem oder die aktuelli Wält- und Lokalpolitik. So behandlet er kritisch d Problem vo dr Globalisierig oder dr Spanisch Bürgerchrieg. Er het sich au gege d SVP gstellt, dr Rassismus an Pranger gstellt und soziali Grächtikeit verlangt. Er macht sich mänggisch aber au über d Hip-Hop-Szene lustig.