S Schlagzüüg isch e Kombination vo verschiidene Schlaginstrument. In dr klassische Musig redet mä vo Schlagwärk, wo alli Perkussions- und Schlaginstrumänt iischliesst
Im Pop, Rock und Jazz hänggt s vom Musigstil und vo de Musiker ab was für e Kombination bruucht wird und si wird vom Schlagzüüger uf dr Bühni um si Sitz uf Stativ und Grüst ufbaut. Zu de Instrumänt ghöre die verschiidnige Drummle: Chliini Drummle (Snare drum)–# 5 im Bild rächts, Grossi Drummle–# 4, Tom Tom–# 2 und # 3, Chesseldrummle und Tamburin; verschiideni Becki: Hi-Hat–# 6, Crash Becki–# 1; und Chliiperkussioninstrumänt wie zum Bispil dr Holzblock, d Cowbell oder dr Schällechranz.
Näben em akustische Schlagzüüg gits hüte au s elektronische.
