Kathedral St. Michael z Tegucigalpa Kathedral St. Michael z Tegucigalpa
Tegucigalpa (schpanischi Uussprooch [teɣusiˈɣalpa] oder [teɣuθiˈɣalpa]) isch d Hauptstadt vu Honduras. Si het öppe 870.000 Yywohner und isch di gröschti Stadt vum Land. Zuedäm isch d Hauptstadt vum Bezirk Francisco Morazán.
Si lyt im südliche Deil vu Honduras imene Hochbecke am Ufer vum Fluss Río Choluteca uf öppe 940 Meter über Meer.
Im 19. Johrhundert sind zur indigene und zur öiropäische Bevölkerig noo zwöi wytere Ethnie choo: Araber und Chinese. Die bäide Bevölkerigsgruppe sind ou hüt noo i dr Stadt presänt.
Um 1930 isch d Stadt Comayagüela, wo uf dr andere Syte vum Choluteca-Fluss lyt, ygmeindet worde. I dr Verfassig, wo syt 1982 giltig isch, wird Comayagüela trotzdäm zäme mit Tegucigalpa als Hauptstadt erwäänt.
