Der Wilhelm Zentner isch der Soon vom Diräkter vo der Badische Münzanstalt gsi. Er isch ufs humanistische Gymnasium z Charlsrueh ggange un het z HeidelbergGermanistik und z Münche d Musigwüsseschaft studiert. Er het im Erschten und im Zwöite Wältchrieg Milidärdienscht gleischtet. Er isch Dozänt für Musiggschicht z Münche gsi und het Theaterstück gschribe, und er het s Programm vo de Münchner Filharmoniker redigiert und isch spöter er dene ihre Pressescheff gsi.
E grossi Arbet vom Zentner isch es gsi, d Brief vom alemannische Schriftsteller Johann Peter Hebel azluege und usezggää. Ane 1923 het er drüübändige Uusgab vom Hebel sine Wärch gmacht. Mit sine Schrifte zu dämm Dichter isch er eine vo de bedüütende Hebel-Forscher.