| Youporn | |
|---|---|
 | |
| URL | www.youporn.com |
| Bschryybig | Site mit pornografischem Inhalt |
| Regischtrierig | optional |
| Eigetimer | Manwin |
| Urheber | Äinzelni aagmäldeti oder nit aagmäldeti |
| Erschine | 2006 |
YouPorn isch e Internetplattform wo mä gratis pornografischi Video cha dusche. Es isch sit em August 2006 onläin und wird sit 2011 vo Mindgeek (früener Manwin) verdriibe.
S Vorbild für s Format isch die populäri Site YouTube. Mä reedet in däm Zämmehang au vo Porn 2.0, aagleent an dr Begriff Web 2.0. Noch Aagoobe vom Dienst Alexa Internet isch YouPorn uf em 50. Blatz uf dr Wält vo de Website, wo am hüfigste abgrüeft wärde. In Dütschland isch YouPorn uf em 24 Blatz.[1]
Bi YouPorn chönne d Bsuecher Videos ooni Registrierig uufelaade, die wärde denn vo dr Redakzioon überbrüeft und in s Flash-Format konvertiert und noch äi bis zwäi Dääg freigschaltet. Die freigschaltete Videos enthalte Usschnitt us kommerzielle Pornofilm, Wärbigsspots für pornografischi Website und Amatöörvideos. Mä cha uf dr Site Stichwörter sueche. Es git Chatrüüm, Cam-Chat-Shows und en Onläin-Dating-Service. YouPorn isch zum grösste Däil gratis und wird zum Däil dur Bannerwärbig finanziert, aber es bedribt au e Premiumsite für Mitgliider wo zaale, wo mä druf under anderem mee as 7000 Porno-DVDs cha abrüefe.[2]
Sit Middi 2008 git s e Version für Mobildelifon und Handybrowser läite automatisch uf die mobili Site witer. Es wärde dört Videos aabote, wo speziell für Handys optimiert si und e Lengi vo öbbe ere Minute und 30 Sekunde häi.
 | Dä Artikel basiert uff ere fräie Übersetzig vum Artikel „YouPorn“ vu de dütsche Wikipedia. E Liste vu de Autore un Versione isch do z finde. |