روندر روی، پورا نام روندر سنگھ گل (8 مارچ1937[۱]پنجابی، ہندی، اردو تے انگریزی وچ ساہت رچن والا پنجابی لکھاری اے۔ اوہ کہانی لکھاری ہون دے نال نال شاعر اتے ناٹک کار وی اے۔ اوہنے اپنی زندگی وچ کئی انعام جتے ہن تے اج اس ولوں لکھیاں کئی کتاباں سکولاں وچ پڑھائیاں جاندیاں ہن۔ پڑھائی دی اہمیت نوں سمجھدے ہویاں روی نے اپنا پورا جیون پڑھائی تے سکھیا دے گن سکھاؤن وچ لا دتا۔
اس لیکھ وچ دتی گئی بوہتی جانکاری ستنام سنگھ ڈھاء ولوں روندر روی نال کیتی گئی ملاقات اُتے مشتمل اے۔[۲]
جیون ویروا
روندر روی دا جم 8 مارچ، 1937 نوں سیالکوٹ موجودہ (پاکستان) وچ ہویا۔ روی دا جدی پنڈ جگتپور، ضلع شہید بھگت سنگھ نگرپنجاب اے۔ اس نے پرائمری تعلیم خالصہ سکول ڈھولاں والا چوک توں حاصل کیتی اتے چوتھی جماعت وچ ڈسٹرکٹ بورڈ دی سکالرشپّ جتی۔ اس توں بعد، 1957 وچ اگلی تعلیم دوابا خالصہ ہائی سکول جالندھر وچ جے بی ٹی کالج وچ کیتی۔ پیؤ دا نام پروفیسر پیارا سنگھ گل سی اتے ماں جی دا نام چرنجیت کور گل سی۔ روی دی اک بھین اے اتے تن بھرا ہن جو کینیڈا، امریکہ اتے انگلینڈ وچ رہِ رہے ہن۔ روی دا ویاہ 1960 وچ بھارت وچ ہویا۔ اس دے پہلے پتر امرتپال نے ستمبر 26، 1962 وچ جم لیا۔ روی دا دوجا پتر سہجپال [5 فروری]]، 1967 وچ جمیا سی اتے اس ویلے روی کینیا وچ سی۔ اس ویلے روی ٹیریس بریٹیش کولمبیا وچ رہندا اے۔ روی 14 دسمبر1974 نوں کینیڈا آیا۔ کینیڈا آ کے عمارتاں وچ اساری دا کم کیتا، لکڑی دی ملّ وچ کم کیتا اتے 1976 وچ ٹیریس سیکنڈری سکول وچ استاد بن گیا سی۔ روی نے اس سکول وچ اٹھائی سالاں لئی کم کیتا اتے 2003 وچ لکھاری بنن لئی ریٹائر ہو گیا۔
کینیڈا آؤن توں پہلاں روی اٹھ سال کینیا وچ رہا۔ 1967 وچ کوماٹھائی ہائی سکول وچ انگریزی ساہت، بریٹیش آئین، اتے افریکن اتہاس پڑھاؤندا سی۔ ایہہ ہائی سکول نیروبی توں تقریباً 24 میل اے۔ کینیا آؤن توں پہلاں وی اوہ لکھدا سی۔ وکھ-وکھ سبھیاچاراں دا تجربہ ہون کرکے اس نے اپنے سبھ توں ودھیا شعری مجموعہ اس ویلے وچ ہی لکھے سن۔
ساہتی جیون
روندر روی نے ہن تک پنجابی، انگریزی اتے ہندی وچ 80 دے قریب کتاباں لکھیاں ہن۔ ایہناں وچ شاعری، کہانی، ناٹک اتے تنقید شامل ہو۔ روی دا پہلا شعری مجموعہ "دل دریا سمندر ڈونگھے" انی سو اکاٹ وچ چھپیا سی۔ اناں دناں وچ تجرباتی شاعری لئی زمین تیار ہو رہی سی اتے اس طرحاں پہلے شعری مجموعہ وچلیاں کویتاواں دا چوتھا حصہ ایکسپریمنٹلزم والا سی۔ 1955 وچ روی نے اپنی سبھ توں پہلی کہانی لکھی سی۔ اوہناں دناں وچ روی بہت کہانیاں پڑھدا ہندا سی۔ اس نوں کہانی لکھن دی پریرنا کہانیاں پڑھ کے ملی۔ اوہ "انٹرنیشنل ایسوسی ایشن آف پنجابی آتھرز" دا بانی پریزیڈینٹ اے جس ادارہ دی نیہہ 1978 وچ رکھی گئی۔