占美當勞臣(英文:Jimmy Donaldson,1998年5月7號—),網名MrBeast,係美國YouTuber、企業家同慈善家[6]。佢被設定係開創咗YouTube用使錢買貴價嘢嚟做主題嘅先河[7]。佢亦都係Team Trees嘅創辦人同Arbor Day Foundation嘅籌款人,而Arbor Day Foundation已經籌到超過7200萬美金[8][9]。佢而家由達拉斯公司Night Media管理[10]。
MrBeast喺2012年頭,佢13歲嘅時候開始上載影片上YouTube[10],當時用「MrBeast6000」呢個名;初期佢嘅片有遊戲實況同「估計其他YouTuber嘅資產」[11]。2017年,佢因為一條「數數到10萬」(counting to 100,000)嘅片喺幾日之內有幾萬人睇而出名,令到佢之後都越來越出名,每條片都有幾千萬點擊[11]。喺之前呢段時間,佢嘅片包括有使幾千蚊美金嘅貴價挑戰、捐好多錢嘅挑戰、做困難嘅任務或者生存遊戲,同埋Vlog等等[12]。佢個頻道多人睇咗之後,佢就請返自己細個嗰時嘅朋友幫佢搞呢間公司,而家嘅MrBeast團隊有大約30人[13]。