Bujana Ndalu
Bujana Pungkasan (ngoko: Bujana Akir) utawi Bujana Ndalu utawi cariyos ingkang dipunparingi tajuk Yesus kembul dhahar Paskah sesarengan murid-murid Dalem déning Lembaga Alkitab Indonésia inggih punika wekdal kembul dhahar pungkasan antawisipun Yesus lan kalihwelas rasul sadèrèngipun séda. Prastawa kasebat dipunserataken ing Matius 26:17-29, Markus 14:12-25, Lukas 22:7-38, lan Yohanes 13:1-38 (ingkang nyerataken ngéngingi Yesus mijiki suku murid-murid Dalem). Bujana pungkasan sampun dados subyèk saking kathah lukisan, ing antawisipun ingkang paling misuwur déning Leonardo da Vinci.
Bagéan saka seri babagan |
Asma lan sesebutan |
Yésus Kristus lan Kakristenan |
Ajaran utama Yésus Kristus |
Pandhangan marang Yésus |
Yesus kembul dhahar Paskah sesarengan murid-murid Dalem
Dinten kasebat wujud dinten sepindhahan saking dinten riyadi Roti Boten Mawi Ragi, utawi ingkang dipunsebat Paskah Yahudi. Murid-murid Yesus lajeng nyawisaken bujana Paskah kanggé Yesus. Nalika kembul dhahar, Yesus maringi sumerep bilih salah setunggil ing antawisipun murid-mudir Dalem badhé masrahaken Yesus (dhumateng para pangajeng agami ingkang gething dhumateng Yesus). Murid-murid Yesus ingkang boten mangertos sinten tiyang ingkang dipunmaksudaken rumaos sungkawa mireng prakawis wau.
Panetepan Bujana Ndalu
| Yesus mundhut roti lan sawisé caos sukur marang Allah, roti mau nuli dicuwil-cuwil karo ngandika: "Iki badan-Ku, kang Dakwènèhaké marang kowé. Iki padha tampanana minangka pengéling-éling marang Aku." Mengkono uga sawisé dhahar, Gusti nuli mundhut tuwungé, sarta ngandika: "Tuwung iki prejanjian anyar saka Allah, prejanjian kang disahaké srana getih-Ku. Saben-saben kowé padha ngombé saka tuwung iki, padha tindakna minangka pengéling-éling marang Aku." |
Yesus mijiki suku murid-murid Dalem
Sadèrengipun bujana, Yesus nguculi rasukanipun ngantos katon ageman lebetipun lan mundhut satunggal lembar kain pethak lan satunggal mangkok toya. Murid ingkang sepindhahipun dipunwijiki sukunipun inggih punika Yohanes. Salaminipun mijiki, Yesus ugi mijiki suku Yudas Iskariot. Sasampunipun rampung, Yesus ngagem malih rasukan Dalem.
Priksani ugi
- Sakramèn Bujana Suci ingkang dipundhasaraken dhumateng prastawa puniki.
Pranala njawi
| Wikimedia Commons duwé médhia ngenani Last Supper. |