Stegosaurus
| Stegosaurus | |
|---|---|
 | |
| Stegosaurus ungulatus | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Sauropsida |
| Ordho: | Ornithischia |
| Subordho: | Thyreophora |
| Famili: | Stegosauridae |
| Génus: | Stegosaurus Marsh, 1877 |
| Species | |
| |
| Stegosaurus | |
|---|---|
| Terjemahan | "roof-lizard" |
| Tipe | armored dinosaur |
| Dawa | 30' (9m) |
| Dhuwur | 13' (4m) |
| Bobot | 5.5 tons |
| Obahe | quadruped |
| Era | Jurassic |
| Umur | 155 to 145 million years ago |
| Diet | Herbivore |
| Panggonan | grassless savanna |
| Sumebar | North America |
Stegosaurus[1] (diucapake /ˈsteg.əˌsɔː.rəs/) tegesé "kadal kang duwé atap", amarga sisik-sisik gedhé kang ana ing dhuwur gegere (basa Yunani stego = piring/atap + sauros = kadal) ya iku sawijining génus dinosaurus hèrbivor gedhé saka jaman Awal Jurassic ing Amérika Utara.[2] Spesies iki ya iku salah siji jinising dinosaurus kang paling gampang diidentifikasi, awit rong baris sisik sing padha pating sinilang ing gegere (dhasar kanggo jeneng ilmiahe) lan 2 pasang eri dawa sing ana ing buri buntute (dijenengi thagomizer).[3][4]
Anatomi
Stegosaurus dawane nganti 26-30 kaki (8-9 mèter), dhuwure saka lemah sawatara 9 kaki(2,75 m), lan duwé bobot antara 6.800 pounds (3100 kg).[3][5] Ukuran endhase cilik kanthi wujud tenggkorak sing dawa, lancip, lan sesek.[6] Stegosaurus duwé ruang kopong ing sirahé. Biyèn para ahli ngira-ira yèn Stegosaurus duwè polo kaloro.[3] Sikil burine duwé telung driji cendhek saben sikile,sawatara sikil ngarepe duwé limang driji mung duwé kuku kethul. Sikil ngarep Stegosaurus luwih cendhek tinimbang sikil burine.[7] iki nyebabake postur awake stegosaurus rada ora biyasa.[7] Posisi buntute luwih dhuwur tinimbang endhase.[3] Yèn dietung jarak dhuwure antara endhase Stegosaurus diwasa karo lemah kira-kira mung 1 mèter (3,3 kaki).[3]
Tengkorake dawa lan sempit.[8] Ing jerone tengkorak ana antorbital fenestra cilik,ya iku bolongan cilik sing nyambungake antara irung lan matane sing umum ana ing Archosaurus,kalebu manuk modern saiki,sanajan ing jinis crocodylians wis ilang.[8] Posisi endhase stegosaurus sing luwih cedhak karo lemah nuduhake yèn Stegosaurus golet pangan saka tuwuhan lemah sing cendhek (sesuketan,lsp.).[8] Penafsiran iki dijurung déning ra anané untu ngarep lan penggantiane untu nganggo Ramphotheca.[8]Stegosaurian duwé untu cilik lan datar,sing mbuktekake yèn Stegosaurus ora nggolong panganane.[8] Panggonan inset kang ana ing rahang nuduhake yèn Stegosaurus duwé pipi sing kena dienggo nyimpen panganane ing cangkem nalika ngunyah.[8]