William Butler Yeats
William Butler Yeats yaiku penyair, dramawan, juru tulis prosa saka Irlandia.[1]Lair ana Sandymount, Dublin, Irlandia, tanggal 13 Juni 1865.[1]Séda ana Roquebrune-Cap-Martin, Prancis, tanggal 28 Januari 1939.[1]Dhèwèké nampa pahargyan Nobel Sastra taun 1923.[1][2]
Taun 1867, nalika Yeats umur rong taun, kulawargané pindah ing London, nanging dhèwèké kerep ing Sligo ing panggonané simbahe nalika cilik lan nalika preinan.[1]Alam, carita rakyat, lan legenda supranatural Sligo ketok ana pakaryane lan mbentuk geguritan-geguritané.[1]
Taun 1880, kulawargané bali ing Dublin, dhèwèké lumebu sekolah tinggi.[1]Taun 1883, dhèwèké lumebu Metropolitan School of Art, ing kéné dhèwèké éntuk pawiyatan wigati lan ketemu penyair lan seniman liyané.[1]
Nalikane enom, dhèwèké aktif dadi pérangan fin de siècle ana London; uga aktif ana masarakat sastra Irlandia.[2]Geguritane terbit sepisanan taun 1887.[2]Bebarengan karo Lady Gregory, dhèwèké ngedhegake Irish Theatre, kang banjur malih dadi Abbey Theatre.[2]Dhèwèké dadi kepala juru tulis lakon nganti John Synge lumebu.[2]
Lakone mesti ngangkat legenda Irlandia.[2]Pakaryane yaiku, The Countess Cathleen taun 1892; The Land of Heart's Desire taun 1894; Cathleen ni Houlihan taun 1902; The King's Treshold taun 1904; lan Deirdre taun 1907.[2]