ვულონგონგი
ვულონგონგი (ინგლ. Wollongong) — ქალაქი სამხრეთ ავსტრალიის შტატ ახალ სამხრეთ უელსში. 2011 წლის მონაცემებით ქალაქის მოსახლეობა შეადგენს 245 942 კაცს[1].
| ქალაქი | |
|---|---|
| ვულონგონგი ინგლ. Wollongong | |
 | |
| ქვეყანა |  ავსტრალია |
| შტატი | ახალი სამხრეთი უელსი |
| კოორდინატები | 34°25′59″ ს. გ. 150°52′59″ ა. გ. / 34.43306° ს. გ. 150.88306° ა. გ. |
| დაარსდა | 1834 |
| ფართობი | 684 კმ² |
| ცენტრის სიმაღლე | 5 მ |
| მოსახლეობა | 245 942 კაცი (2011) |
| სიმჭიდროვე | 359,56 კაცი/კმ² |
| სასაათო სარტყელი | UTC+10, ზაფხულში UTC+11 |
| საფოსტო ინდექსი | 2500 |
| ოფიციალური საიტი | http://www.wollongong.nsw.gov.au |
   | |
გეოგრაფია
ვულონგონგი მდებარეობს 84 კილომეტრში სამხრეთ-დასავლეთით შტატის ადმინისტრაციულ ცენტრ სიდნეიდან, მთების კემბლის და კეირის ძირში. ქალაქი მდებარეობს ტასმანიის ზღვის სანაპიროზე. ქალაქთან ახლოს მდებარეობს ტბა-ლაგუნა — ილავარა.
კლიმატი
ქალაქში კლიმატი რბილი, ნოტიო და ოკეანურია. ზამთრის საშუალო ტემპერატურაა +12-+13 °С, ზაფხულის — +21-+22 °С. ნალექების (წვიმის სახით) წლიური რაოდენობა შეადგენს 1321,2 მმ-ს. თვეში წვიმიანი დღეების რაოდენობა შეადგენს — 7-10 დღიდან ზამთარში 13-15 დღემდე ზაფხულში.[2] ზაფხულში სიცხე რბილდება მუდმივი ბრიზით.
ისტორია
თანამედროვე ქალაქის ადგილას ძველი დროიდან ცხოვრობდნენ ავსტრალიელი აბორიგენები, თვითონ სახელი ვულონგონგი წარმოიშვა მათი ენიდან. ევროპელების პირველი დაფიქსირებული ვიზიტი მოხდა 1796 წელს, მათ შორის იყვნენ მეთიუ ფლინდერსი და ჯორჯ ბასი. XIX საუკუნის დასაწყისში დაარსდა კოლონიზატორების პირველი დასახლებები. XIX საუკუნის შუიდან მოსახლეობის ძირითადი საქმიანობა იყო ქვანახშირის მოპოვება.
შემდგომში ვულონგონგი გახდა შავი მეტალურგიის ცენტრი, მაგრამ ბოლო წლებში ვულონგონგის მსხვილმა (და ერთადერთი) ფოლადჩამომსხმელმა ქარხანამ, რომელიც ეკუთვნის კორპორაცია BlueScope Steel-ს, მნიშვნელოვნად შეამცირა წარმოების მოცულობა. დღეისათვის ქალაქის მოსახლეობის საკმაო ნაწილი დაკავებულია ვულონგონგის უნივერსიტეტში. ქალაქის შემოგარენში მდებარეობს პორტ-კემბლა — ქვეყნის ერთ-ერთი მსხვილი საპორტო და ინდუსტრიული ზონა.
დაძმობილებული ქალაქები
კავასაკი, იაპონია, 1987 წლიდან
ოჰრიდი, ჩრდილოეთი მაკედონია, 1999 წლიდან
ლონგუანი, ჩინეთი, 2000 წლიდან
