ზაპორიჟიის ბრძოლა
ზაპორიჟიის ბრძოლა | |||
---|---|---|---|
სამხრეთ უკრაინის კამპანიის ნაწილი | |||
თარიღი | 27 თებერვალი, 2022 – დღემდე (2 წელი, 3 თვე, 3 კვირა და 2 დღე) | ||
მდებარეობა | ზაპორიჟია, ზაპორიჟიის ოლქი, უკრაინა | ||
სტატუსი | მიმდინარე | ||
მხარეები | |||
| |||
სამხედრო ნაწილები | |||
| |||
დანაკარგები | |||
| |||
![]() |
ზაპორიჟიის ბრძოლა — სამხედრო დაპირისპირება, რომელიც 2022 წლის 27 თებერვალს დაიწყო როგორც უკრაინაში რუსეთის შეჭრის სამხრეთის ოპერაციის ნაწილი. ზაპორიჟია (ზაპოროჟიე) ცენტრალური უკრაინის მთავარი ქალაქია მდინარე დნეპრზე.
ბრძოლა
![](http://upload.wikimedia.org/wikipedia/commons/thumb/a/a3/Russian_bombardment_outside_Zaporizhzhia.png/220px-Russian_bombardment_outside_Zaporizhzhia.png)
26 თებერვალს რუსეთის 22-ე საარმიო კორპუსი ყირიმიდან ჩრდილოეთით დაწინაურდა და ზაპორიჟიის ატომურ ელექტროსადგურთან მიახლოება დაიწყო.[1][2]
27 თებერვალს ზაპორიჟიის სამხრეთ გარეუბანში გარკვეული ბრძოლები დაფიქსირდა, თუმცა მსხვერპლის შესახებ ინფორმაცია არ გავრცელებულა.[3] რუსეთის ძალებმა იმავე საღამოს დაიწყეს ზაპორიჟიის დაბომბვა.[4] შეტაკებები დაფიქსირდა ზაპორიჟიის სამხრეთით მდებარე ქალაქ ვასილივკაში.[5]
28 თებერვალს რუსეთის თავდაცვის სამინისტრომ გაავრცელა ინფორმაცია ახლომდებარე ქალაქ ენერჰოდარის აღების შესახებ, რომელშიც ატომური ელექტროსადგური მდებარეობს., ენერჰოდარის მერმა უარყო, რომ უკრაინულმა ძალებმა ქალაქზე კონტროლი დაკარგეს.[6][7] უკრაინის სამხრეთ-აღმოსავლეთის სამხედრო ადმინისტრაციამ 7 მარტს დაადასტურა, რომ ენერჰოდარი რუსული ძალების კონტროლის ქვეშ იყო.[8]
19 მარტს რუსულმა ძალებმა ქალაქზე ისევ გახსნეს საარტილერიო ცეცხლი, რის შედეგადაც დაიღუპა 9 და დაშავდა 17 ადამიანი. ხელისუფლებამ გამოაცხადა, რომ ამის გამო 34-საათიანი კომენდანტის საათი დაწესდებოდა.[9]
ზაპორიჟიაში ჩაჰყავდათ სხვადასხვა ადგილიდან, მათ შორის მარიუპოლიდან ევაკუირებული მშვიდობიანი მოსახლეობა.[10][11]
18 აპრილს რუსეთმა საკვანძო ქალაქების დასაკავებლად ოლქში მძლავრი შეტევა წამოიწყო, საჰაერო დარტყმები მიიტანა ზაპორიჟიაზე.[12][13]