ლუკა გუგუჩია
ლუკა გუგუჩია (დ. 10 დეკემბერი, 1991) — ქართველი ფეხბურთელი, საფეხბურთო კლუბ „ზუგდიდის“ შემტევი ნახევარმცველი.
 | |||
| პირადი მონაცემები | |||
|---|---|---|---|
| სრული სახელი | ლუკა გუგუჩია | ||
| დაბადების თარიღი | 10 დეკემბერი, 1991 | ||
| დაბადების ადგილი | ზუგდიდი,  საქართველო | ||
| სიმაღლე | 179 სმ. | ||
| სათამაშო პოზიცია | ნახევარმცველი | ||
| საკლუბო ინფორმაცია | |||
| მიმდინარე კლუბი | ზუგდიდი | ||
| ნომერი | 77 | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2009-2012 | ბაია ზუგდიდი | 30 | (4) |
| 2011 | → ტორპედო ქუთაისი | 4 | (1) |
| 2011-2012 | ბაია ზუგდიდი | 15 | (4) |
| 2012 | ზესტაფონი | 4 | (1) |
| 2012-2014 | ზუგდიდი | 38 | (4) |
| 2014-2015 | კოლხეთი-1913 ფოთი | 11 | (1) |
| 2015- | ზუგდიდი | 4 | (1) |
| ეროვნული ნაკრები | |||
| 2008-2009 | საქართველო 17 წლ. | 3 | (0) |
| 2009 | საქართველო 19 წლ. | 1 | (0) |
| 2010-2011 | საქართველო 21 წლ. | 1 | (0) |
| * პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 15 მარტი, 2015 | |||
კარიერა
საკლუბო
კარიერა დაიწყო ზუგდიდის „ბაიაში“, რომელიც ახლა ზუგდიდის სახელით გამოდის. 2011 წლის იანვრიდან ნახევარი სეზონის განმავლობაში იჯარის წესით იმყოფებოდა ქუთაისის „ტორპედოში“.[1] იჯარის დამთავრების შემდეგ ზუგდიდში დაბრუნდა, სადაც 2012 წლის იანვრამდე დარჩა, შემდეგ მან „ზესტაფონთან“ სამწლიანი კონტრაქტი გააფორმა,[2] თუმცა იანვარში, შეკრებისთანავე ფეხბურთელმა ხერხემლის ტრავმა მიიღო, რის გამოც გუნდს შეკრებაზეც არ წაჰყოლია.[3] 2012-13 წლების სეზონის დასაწყისში გუგუჩია „ზუგდიდში“ დაბრუნდა, სადაც 2013-14 წლების სეზონის ბოლომდე დარჩა, შემდეგ კი ფოთის „კოლხეთში“ გადავიდა. „კოლხეთში“ გატარებული ნახევარი სეზონის შემდეგ მშობლიური ქალაქის კლუბს დაუბრუნდა.
სანაკრებო
საქართველოს 17 წლამდე ფეხბურთელთა ნაკრებში ჩატარებული აქვს 3 მატჩი, თითო მატჩი ჩაატარა 19 და 21 წლამდელთა შორის. 19 წლამდელთა შემადგენლობაში ერთადერთი მატჩი ჩაატარა 2009 წლის 14 ოქტომბერს მონტენეგროელი თანატოლების წინააღმდეგ, სადაც 61 წუთზე შეცვალეს, მატჩი ფრედ (1-1) დასრულდა, საბოლოო ანგარიში ჯანო ანანიძემ დააფიქსირა, ხოლო 21 წლამდელთა შემადგენლობაში მისი ერთადერთი მატჩი ჩაატარა 2011 წლის 10 აგვისტოს ამხანაგურ მატჩში მოლდოვის წინააღმდეგ, სადაც მე-80 წუთზე ვალერი ყაზაიშვილი შეცვალა.[4]
ტიტულები
- უმაღლესი ლიგა ჩემპიონი (1): 2011/2012
- საქართველოს თასის ფინალისტი (2): 2010/2011, 2011/2012
- საქართველოს სუპერთასის გამარჯვებული (1): 2011/2012