რუსული ცისფერი
რუსული ცისფერი — კატის ჯიში. მისი ბეწვის შეფერილობა იცვლება ღია ვერცხლისფერიდან მუქ ნაცრისფერამდე. მოკლე და ხშირი ბეწვი საუკუნეზე მეტია რუსული ჯიშის გამორჩეულ ნიშნად ითვლება.
წარმოშობა
რუსული ცისფერი ბუნებრივად ჩამოყალიბებული ჯიშია, რომლის შესაძლო წარმოშობის ადგილად რუსეთის ქალაქ არხანგელსკის პორტი ითვლება.[1] მათ ზოგჯერ „ლურჯ მთავარანგელოზსაც“ უწოდებენ (სიტყვა „Архангельск“-ის მიხედვით).[2] ითვლება, რომ მეზღვაურებმა 1860-იან წლებში მთავარანგელოზის კუნძულებიდან რუსული ცისფერი ჯიში ჩაიყვანეს დიდ ბრიტანეთსა და ჩრდილოეთ ევროპაში.[1] რუსეთის ფარგლებს გარეთ ამ ჯიშის კატა პირველად გამოჩნდა 1875 წელს ინგლისში, ბროლის სასახლეში, „მთავარანგელოზის კატის“ სახელით.
ფიზიკური მახასიათებლები
რუსულ ცისფერს აქვს ღია მწვანე თვალები, მოვარდისფერო-ლავანდისფერი ან მოვარდისფრო-იისფერი თათის გულები, მოკლე, სქელი, მოცისფრო-მონაცრისფერო-მოშავო ბეწვი.[3]