Бланширлеу

Бланширлеу, шарпыту (фр. blanchir — ағару) - өнім түрін сәндеу немесе ащы дәмін кетіру үшін өнімді шамалы уақыт қайнату немесе шарпыту; жемістер, көкөністер, балықтар, еттер, кез келген тамақ өнімдерін жылдам ыстық сумен шарпытып алу.^[1]

Соның әсерінен олардың түсінің өзгеруі (ағаруы). Термин асхана және кондитер мекемелерінде тараған. Шарпыту өнімді жабық ыдыс ішіне салып үстіне ыстық су құю немесе өнімді қайнап жатқан ыстық суға (1 мин-тай) малып алу. Шарпыту нәзік тамақ өнімдерін қайнату немесе зарарсыздандыру және өнімнің сөлі сыртқа шықпайтындай етіп қабықша түзі үшін қолданылады. Француз асханасында етті салқын сумен жуған кезде оның құрамындағы етке дәм және жұғымдылығын арттыратын белоктық және желімдік заттар суға тарап кетпеу үшін оны қайнату алдында шарпытып алады.^[1]