Месси-Роналду қарсыластығы

Лионель Месси

Лионель Андрес Месси (ис. Lionel Andrés Messi) — Аргентиналық футболшы және «Барселона» командасының шабуылшысы.

Месси 1987 жылы 24 маусымда Росариода дүниеге келген. Әкесі – Хорхе Месси, анасы – Силия Месси (қыз кезіндегі тегі – Кусситини). Оның атасы Анджело Месси 1883 жылы Италияның Анкона қаласынан Аргентинаға көшеді.

Оның Родриго мен Матиас атты екі ағасы жене Мария Соль атты апасы бар. Месси футболды өз әкесінің Грандоли клубында 5 жасынан ойнай бастайды. 1995 жылы Месси «Ньюэллз Олд Бойз» командасына көшеді. 11 жасында Лионельге соматотропин (өсу гармоны ) жетіспеушілігі диагнозы қойылады.«Ривер Плейт» командасы оған қызығушылық көрсеткенімен, оның емдеуіне жеткілікті қаражат таппады. «Барселонаның» спорттық директоры Карлес Рексач Мессиді 13 жасында байқаған соң жас дарын оған қатты әсер етеді. Сондықтан ол клуб басшылығынан, Мессиді және оның отбасын Испанияға көшіріп әкелуі мен сырқатын емдеуге, қаражат бөлетін келісіміне қол жеткізді. Содан бері Месси «Барселонаның» жасөспірімдер құрамында ойнай бастайды.

Криштиану Роналду

Криштиану Роналду душ Сантуш Авейру (португалша Cristiano Ronaldo dos Santos Aveiro, 5 ақпан, 1985 жыл) - Криштиану Роналду атымен танылған португалиялық футболшы. Португалия құрама командасында капитан ретінде және Реал Мадрид клубында жартылай қорғаушы, шабуылшы ретінде өнер көрсетеді. Манчестер Юнайтед клубынан Реал Мадридқа өту үшін 83 млн. артық фунт стерлинг төленгенде футбол тарихындағы ең қымбат футболшы атанған еді. Одан тысқары, келісім-шарт бойынша, Реал Мадрид клубы Роналдуға жылына 12 млн. еуро жалақы төлейді. 2010 жылы Жозе Моуринью: «Мен — ең үздік жаттықтырушылардың бірімін, ал Роналду әлемнің ең мықты футболшысы». 2012 жылы Диего Марадона Роналдуны "әлемдегі ең мықты футболшы" деп атады.