ಸಿರಿಯಾಕ್ ಎಬ್ಬಿ ಫಿಲಿಪ್ಸ್
ಸಿರಿಯಾಕ್ ಎಬ್ಬಿ ಫಿಲಿಪ್ಸ್ ಒಬ್ಬ ಭಾರತೀಯ ಹೆಪಟಾಲಜಿಸ್ಟ್(ಯಕೃತ್ತಿನ ತಜ್ಞ) ಮತ್ತು ಚಿಕಿತ್ಸಕ-ವಿಜ್ಞಾನಿ. ಅವರು ಸಾಮಾಜಿಕ ಜಾಲತಾಣಗಳಲ್ಲಿ "ದಿ ಲಿವರ್ ಡಾಕ್" ಎಂದು ಕರೆದುಕೊಳ್ಳುತ್ತಾರೆ, ಅಲ್ಲಿ ಅವರು ತಮ್ಮ ಸಂಶೋಧನೆಗಳು ಮತ್ತು ಸಂಶೋಧನೆಯ ಆಧಾರದ ಮೇಲೆ ಪರ್ಯಾಯ ಔಷಧದ ವಿಮರ್ಶಾತ್ಮಕ ದೃಷ್ಟಿಕೋನಗಳನ್ನು ಹಂಚಿಕೊಳ್ಳುತ್ತಾರೆ.
ಸಿರಿಯಾಕ್ ಎಬ್ಬಿ ಫಿಲಿಪ್ಸ್ | |
|---|---|
 2023ರಲ್ಲಿ ಫಿಲಿಪ್ಸ್ | |
| ಜನನ | |
| ವಿದ್ಯಾಭ್ಯಾಸ | ಸೇಂಟ್ ಜಾನ್ಸ್ ಮೆಡಿಕಲ್ ಕಾಲೇಜು(ಎಂ ಬಿ ಬಿ ಎಸ್),[೨] ನೀಲ್ ರತನ್ ಸಿರ್ಕಾರ್ ಮೆಡಿಕಲ್ ಕಾಲೇಜು ಮತ್ತು ಆಸ್ಪತ್ರೆ(ಎಂ ಡಿ)[೨] |
| ವೃತ್ತಿs |
|
ಆರಂಭಿಕ ಜೀವನ
ಫಿಲಿಪ್ಸ್ ಅವರು ಕೇರಳ ರಾಜ್ಯದ ಕೊಟ್ಟಾಯಂನಲ್ಲಿ ಜನಿಸಿದರು, ನಾಲ್ವರು ಒಡಹುಟ್ಟಿದವರಲ್ಲಿ ಮೂರನೆಯವರು.
ವೃತ್ತಿ
ಫಿಲಿಪ್ಸ್ 2019 ರಲ್ಲಿ, ಹರ್ಬಲೈಫ್‌ನ ಆಹಾರ ಪೂರಕಗಳನ್ನು ತೆಗೆದುಕೊಂಡ ನಂತರ ಸಾವನ್ನಪ್ಪಿದ ಮಹಿಳೆಯ ಸಾವನ್ನು ವಿಶ್ಲೇಷಿಸುವ ಸಂಶೋಧನೆಯ ಸಹ-ಲೇಖಕರಾಗಿದ್ದರು, ಇದನ್ನು ನಂತರ ಜರ್ನಲ್ ಆಫ್ ಕ್ಲಿನಿಕಲ್ ಆಂಡ್ ಎಕ್ಸ್‌ಪೆರಿಮೆಂಟಲ್ ಹೆಪಟಾಲಜಿ ಪತ್ರಿಕೆಯಿಂದ ಹಿಂತೆಗೆದುಕೊಳ್ಳಲಾಯಿತು. [೩] [೪] ಮೈಕ್ರೋಬಯಾಲಜಿಸ್ಟ್ ಎಲಿಸಬೆತ್ ಬಿಕ್ ಮತ್ತು ರಿಟ್ರಾಕ್ಷನ್ ವಾಚ್ ತಮ್ಮ ಬ್ಲಾಗ್‌ಗಳಲ್ಲಿ ಪೇಪರ್ ಅನ್ನು ಪ್ರಕಟಿಸಿದ ನಂತರ ಹಿಂತೆಗೆದುಕೊಳ್ಳುವಿಕೆಯನ್ನು ರದ್ದುಗೊಳಿಸಲಾಯಿತು. [೫]
ಫಿಲಿಪ್ಸ್ ಕೊಚ್ಚಿಯ ರಾಜಗಿರಿ ಆಸ್ಪತ್ರೆಯಲ್ಲಿ ಹಿರಿಯ ಕನ್ಸಲ್ಟೆಂಟ್ ಹೆಪಟಾಲಜಿಸ್ಟ್ ಮತ್ತು ವೈದ್ಯ-ವಿಜ್ಞಾನಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. [೬] [೭]
ಸಾಮಾಜಿಕ ಮಾಧ್ಯಮ
ಫಿಲಿಪ್ಸ್ ಅವರು ಆಯುರ್ವೇದ, ಹೋಮಿಯೋಪತಿ ಮತ್ತು ಇತರ ಪರ್ಯಾಯ ಔಷಧ ವ್ಯವಸ್ಥೆಗಳ ವಿಮರ್ಶಾತ್ಮಕ ದೃಷ್ಟಿಕೋನಗಳನ್ನು ಟ್ವಿಟ್ಟರ್ ಮತ್ತು ಯೂಟ್ಯೂಬ್‌ ನಲ್ಲಿ ಪ್ರಸಾರ ಮಾಡಲು ಹೆಸರುವಾಸಿಯಾಗಿದ್ದಾರೆ. [೫] [೮] [೯] ಅವರ ಪ್ರಕಾರ, "ಆಯುರ್ವೇದದ ತತ್ವಗಳು ಮತ್ತು ಅಭ್ಯಾಸಗಳು ಮೂಲಭೂತವಾಗಿ ಪ್ರಾಚೀನ, ಪರೀಕ್ಷಿಸದ ಅವಲೋಕನಗಳನ್ನು ಆಧರಿಸಿವೆ, ಇವು ವೈಜ್ಞಾನಿಕ ನೈಪುಣ್ಯತೆಯನ್ನು ಹೊಂದಿರುವುದಿಲ್ಲ". ಇವರು ಕೇರಳ ಸ್ಟೇಟ್ ಮೆಡಿಕಲ್ ಕೌನ್ಸಿಲ್ ಫಾರ್ ಇಂಡಿಯನ್ ಸಿಸ್ಟಮ್ಸ್ ಆಫ್ ಮೆಡಿಸಿನ್‌,ಆಯುರ್ವೇದ ಮೆಡಿಕಲ್ ಅಸೋಸಿಯೇಷನ್ ಆಫ್ ಇಂಡಿಯಾ [೧೦] ಮತ್ತು ವಿವಿಧ ಆಯುರ್ವೇದ ಔಷಧ ತಯಾರಕರಿಂದ ಮಾನನಷ್ಟ ಮೊಕದ್ದಮೆಗಳಿಗೆ ಗುರಿಯಾಗಿದ್ದಾರೆ. [೧೧] [೧೨] ಹೆಪಟಾಲಜಿ ಕಮ್ಯುನಿಕೇಷನ್ಸ್‌ ಪತ್ರಿಕೆಯಲ್ಲಿ ಪ್ರಕಟವಾದ [೫] ಸಂಶೋಧನೆಯಲ್ಲಿ, ಫಿಲಿಪ್ಸ್ ಮತ್ತು ಇತರ ಸಂಶೋಧಕರು ಹೋಮಿಯೋಪತಿಯ ಮದ್ದುಗಳು ತೀವ್ರವಾದ ಯಕೃತ್ತಿನ ಹಾನಿಗೆ ಕಾರಣವಾಗಬಹುದೆಂದು [೧೩] ತೀರ್ಮಾನಿಸಿದ್ದಾರೆ. "ಹೋಮಿಯೋಪತಿ ಔಷಧವಲ್ಲ, ತೀವ್ರ ರೂಪದ ಹುಸಿವಿಜ್ಞಾನ" ಎಂದು ಅಭಿಪ್ರಾಯ ಪಟ್ಟಿದ್ದಾರೆ. [೧೪]
28 ಸೆಪ್ಟೆಂಬರ್ 2023 ರಂದು, ಹಿಮಾಲಯ ವೆಲ್ನೆಸ್ ಕಂಪನಿಯನ್ನು ಮಾನಹಾನಿ ಮಾಡಿದ ಆರೋಪಕ್ಕಾಗಿ ಬೆಂಗಳೂರು ನ್ಯಾಯಾಲಯವು ಮಧ್ಯಂತರ ತಡೆಯಾಜ್ಞೆ ಆದೇಶವನ್ನು ಜಾರಿಗೊಳಿಸಿದ ನಂತರ ಡಾ. ಎಬ್ಬಿ ಫಿಲಿಪ್ಸ್ ಅವರ X ಖಾತೆಯನ್ನು ಅಮಾನತುಗೊಳಿಸಲಾಗಿತ್ತು. [೧೫] ಅದಾಗ್ಯೂ, ಫಿಲಿಪ್ಸ್ ಹಿಮಾಲಯ ವೆಲ್ನೆಸ್ ಕಂಪನಿಯ ವಿರುದ್ಧದ ತಮ್ಮ ಆರೋಪಗಳನ್ನು "ಸಂಪೂರ್ಣವಾಗಿ ವಿಜ್ಞಾನ-ಬೆಂಬಲಿತ ಮತ್ತು ಪುರಾವೆ-ಬೆಂಬಲಿತ" ಎಂದು ಸಮರ್ಥಿಸಿಕೊಂಡಿದ್ದಾರೆ ಮತ್ತು ಅವರು ಮಾಡಿದ ಎಲ್ಲಾ ವಿಶ್ಲೇಷಣೆಗಳು ಸಾರ್ವಜನಿಕ ವಿಮರ್ಶೆಗೆ ಲಭ್ಯವಿದೆ ಎಂದು ಹೇಳಿದ್ದಾರೆ. [೧೬]
ವೈಯಕ್ತಿಕ ಜೀವನ
ಇವರು ಪದ್ಮಶ್ರೀ ಪುರಸ್ಕೃತರಾದ ಡಾ. ಫಿಲಿಪ್ ಆಗಸ್ಟೀನ್ ಅವರ ಮಗ, [೮] ಮತ್ತು ಇಬ್ಬರು ಹೆಣ್ಣುಮಕ್ಕಳು ಮತ್ತು ಒಬ್ಬ ಮಗನ ತಂದೆ. [೬]