Димаш Кудайберген

1994—2014: Бала кези жана карьерасынын башталышы

Димаш Кудайберген 1994-жылы 24-майда Актөбө шаарында Казакстан Республикасынын маданият кызматкерлери, таанымал ырчылар Канат Кудайберген уулу менен Светлана Айтбаеванын үй-бүлөсүндө жарык дүйнөгө келген. Димаштын атасы Канат Айтбаев - облустук филармониянын башчысы, апасы Светлана Айтбаева – облустук кеңештин депутаты. Димаштын чоң ата-энелери да музыка адамдары. Бири домбрада ойносо, экинчисинин ырдыганга жөндөмдүүлүгү чоң. Димаштын Раушан аттуу карындашы, Мансур аттуу иниси бар.

Эң алгач ирет спектакльде ойноо менен тааныла баштаган. Беш жашында музыкалык коллеждин сахнасында алгач ирет ырчы катары ырдап чыккан. Алты жашында «Айланайын» республикалык байкоосунда «Фортепиано» номинациясында жеңүүчү аталган. 2010-жылы «Байконурдун шаңкылдаган үндөрү» эл аралык фестивалынын І байге лауреаты аталган. 2012-жылы «Жаш канат» республикалык жаш ырчылар байкоосунун Гран-при байгесине ээ болгон. 2012-жылы «Чыгыш базары» эл аралык байкоосунда І байге лауреаты аталган. Бир жылдан соң, Ысык-Көлдүн жээгинде өткөн «Мейкин Азия» І эл аралык фестивалынын жеңүүчүсү болгон. 2014-жылы Актөбө шаарында А. Жубанов атындагы музыкалык коллежинде «академиялык ырдоо» факультетин бүтүрүп, Казак улуттук өнөр университетинин «эстрада өнөрү» факультетине тапшырган. Ошол эле жылы 30-декабрьда Казакстандын «Дарын» мамлекеттик сыйлыгына ээ болгон.

2015—2016: «Славян базары», эл аралык аткаруулар жана турне

Чыныгы атагы Витебск шаарында XXIV эл аралык эстрадалык ырчылар «Славян базары-2015» байкоосунда Гран-при жеңип алган соң келген. Эки күн ичинде, жаш ырчы 175 упай топтогон. Биринчи күнү ал Константин Меладзенин «Опять метель» ырын, экинчи күнү француз ырчысы Даниэль Балавуан репертуарынан алынган «Sos dun terien un detresse» ырын ырдаган. Кыргызстанда өткөн «Мейкин Азия 2015» фестивалында, Италиянын Милан шаарында өткөн Expo 2015 көргөзмөсүндө конок катары катышкан. 2015-жылы 28-октябрьда Ыстанбулда Димаш Кудайбергенов «Abu TV» эл аралык фестивалында Казакстандын атынан алгач ирет катышкан. 2015-жылы 28-декабрьда «Жылдын адамдары» сыйлыгын тапшыруу аземинде Димашка «Жылдын ырчысы» наамы берилген.

2016-жылы 1-январьда Димаштын алгачкы кичи-альбому жана «Аяз бороон» ырына видеоклип жарыкка чыккан. 22-январьда «Элдин сүймөнчүлүгү» сыйлыгын тапшыруу аземинде «Эстраданын артисти» наамы тапшырылган. 2016-жылдын март жана апрель айларында Димаш Казак улуттук университетинин симфониялык оркестри менен бирге Австрия, Словения, Сербия мамлкететеринде өткөн турнеге катышып, «SOS d’un terrien en detresse» ырын аткарган. Апрельден декабрьга чейин өзүнүн алгачкы концерттик турнесин өткөзгөн. Турне Казакстандын эгемендүүлүгүнүн 25-жылдыгына арналып, өлкөнүн 25 аймагында болуп өткөн 25 концерттен турган. Турдун атын «Унутулбас күн» деп атаган. «Бир нече ай катар «Бала үнү 2016» байкоосунда калыстар тобунун мүчөсү болгон. Октябрь айында Парижде өткөн ЮНЕСКОнун иш-чарасында ырдаган. Ноябрьда Сеулда өткөн түрк элдеринин маданиятынын фестивалында Түштүк Корея, Казакстан, Кыргызстан, Түркия, Азербайжан, Түркмөнстан президенттеринин алдында ырдап берген. 2016-жылдын аягында Казакстандын президентинин маданият тарабындагы мамлекеттик стипендиясына ээ болгон.

2016-жылда тарта: «Сингер-2017», Кытайдагы жетишкендиги

2016-жылдын аягында Димаш Кудайберген «Хунан ТВ» телеканалындагы «Singer» («Сингер») вокалдык байкоонун бешинчи сезонуна катышкан. Кийин Димаш Бейжиндеги «Black Gold Talent» агенттиги келишим түзгөн. Ал шоунун тарыхындагы эң жаш катышуучу болуп, профессионалдуу кытайлык ырчылар менен жарышкан. Жыйынтыгында Димаш финалга жеткен, бирок Гонконгтун ырчысы Сэнди Лэмден калып калып, экинчи орунга ээ болгон.

Димаш казак жана орус тилдеринде сүйлөйт, англис тилин жана кытай тилинин мандарин диалектин үйрөнүүдө. Димаш Майкл Жексона, Ермек Серкебаев, Селин Дион, Лара Фабиан жана Лучано Паваротти атту аткаруучулардын музыкалык чыгармачылыктарынын таасиринде экенин билдирген. Ал Казакстанды дүйнөгө ырчы катары таанытарын бир ниче ирет айткан