Monica Nemni (nata Monique anno 1936; mortua die 26 Novembris 2022) fuit linguista et scriptrix Canadiensis, quae serie biographiarum Petri Trudeau, primi ministri Canadae ac familiaris eius, innotuit, quos libros cum Maximiliano Nemni marito conscripsit.[1] Professor linguisticae emerita in Universitate Quebecensi ad Montem Regalem est,[2] ubi munere editoris Cité Libre periodici civilis olim fungebatur.[3]
Young Trudeau: Son of Quebec, Father of Canada, 1919–1944, primum biographiae Trudeauianae volumen, praemium Shaughnessy Cohen pro scriptura politica anno 2006 accepit.[4] Trudeau Transformed: The Shaping of a Statesman, 1944–1965, volumen alterum, erat unus e competitoribus iuxta victorem eiusdem praemii.[1] Volumen tertium, Trudeauianum cursum honorum in politica electiva post 1965 tractans, editurum iri dicitur.
