Neikaledonien
 | Dëse Geographiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
Neikaledonien (franséisch Nouvelle-Calédonie) ass eng Inselgrupp am Pazifik. Se gehéiert politesch zu Frankräich a geographesch zu Melanesien.
| Neikaledonien | |
|---|---|
 Insel an der Ouvéa Lagun | |
 | |
| Geographie | |
| Kontinent | Ozeanien |
| Land | Frankräich |
| Läit an/am | Pazifeschen Ozean |
| Gehéiert zu | Franséisch Iwwerséigebidder |
| Koordinaten | 21°15'S, 165°18'O |
| Fläch | 18.576 km² |
| Verwaltung | |
| Verwaltungseenheet | Frankräich |
| Haaptuert | Noumea |
| Demographie | |
| Awunner | 278.500 |
| Awunnerdatum | 2017 |
| Liewenserwaardung | 76,9615 Joer |
| Aner Informatiounen | |
| Zäitzon | UTC+11 |
| Wärung | CFP Frang |
| Nationalhymn | Soyons unis, devenons frères |
| Internet TLD | .nc |
| Internat. Telefonsprefix | +687 |
.svg) | |
 | |
Neikaledonien huet de Status vun enger Collectivité sui generis (no den Artikele 76 a 77 vun der franséischer Verfassung). Am November 2018 huet eng Majoritéit vun de Wieler (knapps 57%) an engem Referendum dofir gestëmmt, dëse Statut bäizehalen an net onofhängeg ze ginn.
Geographie
Neikaledonien läit ëstlech vun Australien op der nërdlecher Spëtzt vun der Zealandia-Scholl am südwestleche Pazifik.
D'Inselen hunn eng Fläch vun am Ganzen 18.576 km², dovu sinn 18.091 km² Landfläch a 485 km² Waasserfläch.
Zu Neikaledonien gehéiere follgend siwen Haaptinselen:
- Grande Terre, 16.346 km² (88 % vun der Fläch vum Archipel an déi gréisst Insel vu Frankräich).
- Lifou, 1.146 km²
- Maré, 657 km²
- Île des Pins, 133 km²
- Ouvéa, 122 km²
- Île Art, 52,6 km²
- Île Walpole, 2 km²
Doniewent gëtt et nach eng Abberzuel vu klengen a winzegen Inselen déi iwwert den Archipel verstreet sinn.
Méi Informatioun doriwwer an der Lëscht vun den Insele vun Neikaledonien ((fr))
Ursprong vum Numm
Den haitege franséischen Numm geet op déi eeler englesch Bezeechnung New Caledonia zeréck, wéi den James Cook den Archipel 1774 genannt hat. Unhänger vun der Onofhängegkeet vun Neikaledonien nennen d'Inselgrupp och nach Kanaky.
Billergalerie
- Neikaledonien
.jpg)
Um Spaweck
| Commons: Neikaledonien – Biller, Videoen oder Audiodateien |
