Nöikaledonie

	Nouvelle-Calédonie; Nöikaledonie
{{{ARTIKEL-FLAGGE}}}	{{{ARTIKEL-WAPPEN}}}
Amtsspraach	Franzöösisch
Hauptstadt	Nouméa
Staatsoberhaupt	Dr Staatspräsident vo Frankriich Emmanuel Macron
Regierigschef	Cynthia Ligeard
Flächi	19.060 km²
Iiwohnerzahl	271.407 (1. Januar 2019)
Bevölkerigsdichti	14 Iiwohner pro km²
Währig	CFP-Franc
Zitzone	UTC + 11
Internet-TLD	.nc
Vorwahl	+687
	D Laag vo Nöikaledonie D Laag vo Nöikaledonie
	Charte vo Nöikaledonie Charte vo Nöikaledonie

Nöikaledonie (frz. Nouvelle-Calédonie „Neuschottland“) isch en Inselgrubbe im südlige Pazifik, wo zu Frankriich ghöört. D Aahänger vo dr Unabhängigkäit vo Nöikaledonie säge dr Inselgrubbe au „Kanaky“. Geografisch ghööre d Insle zu Melanesie. Nöikaledonie het dr Sonderstatus von ere Collectivité sui generis noch de Ardikel 76 und 77 vo dr franzöösische Verfassig. Bi me Referändum am 4. November 2018 häi 56,4 % vu dr Wähler gege d Unabhängigkäit vo Frankriich gstimmt. Au bim Referendum am 4. Oktober 2020 stimme s Mee (53,3 %) gege d Unabhängikäit.

Noch dr letschte Volkszelig im Joor 2009 het Nöikaledonie 245'580 Iiwooner. Sit 2008 ghöört s Nöikaledonische Barriereriff zum Wältnaturerb vo dr UNESCO.

D Wirtschaft

D Wirtschaft bestoot vor allem us Handwärk, Bärgbau, Industrii und Turismus. E groossi Nickel mine isch d'Koniambo Mine.^[2]40 Kilometer vo dr Hauptstadt Nouméa äwägg isch dr internazionali Flughaafe La Tontouta, dr Flughaafe Megenta für lokali Flüg zu alle nöikaledonische Insle isch grad näbe Nouméa. S Stroossenetz isch guet usbaut. Dr grösst Haafe isch dr Haafe vo Nouméa.

D Bevölkerig

Öbbe 44 Brozänt vo dr Bevölkerig si Melanesier, die Wisse mache öbbe e Drittel us. Fast e Zääntel si vo Wallis und Futuna im südlige Pazifik. Fast alli Iiwooner schwätze Franzöösisch.

Litratuur

David Marrani: Principle of Indivisibility of the French Republic and the People's Right to Self-Determination. The „New Caledonia Test“ In: Journal of Academic Legal Studies. Nr. 2, 2006, ISSN 1862-0280, S. 16–29.
Matthias Kowasch: Neukaledonien zwischen Staatenbildung und Ressourcenausbeutung. Neue Nickelprojekte als Hebel für einen politischen Emanzipierungsprozess und zum Abbau von Disparitäten? In: Pacific News. Nr. 32, Juli/August 2009, ISSN 1435-8360, S. 8–11 (PDF-Datei; 0,5 MB)