நியூ கலிடோனியா
நியூ கலிடோனியா (New Caledonia, பிரெஞ்சு மொழி: Nouvelle-Calédonie)[கு 1] என்பது பிரான்சின் கடல்கடந்த மண்டலமாகும். இம்மண்டலம் தென்மேற்கு பசிபிக் பெருங்கடலில், ஆத்திரேலியாவின் கிழக்கில் இருந்து 1,210 கிமீ தூரத்திலும், பிரான்சில் இருந்து 20,000 கிமீ தூரத்திலும் அமைந்துள்ளது.[3] மெலனீசியா துணைப்பகுதியில் அமைந்துள்ள இத்தீவுக் கூட்டத்தில் கிராண்ட் டெரே, லோயல்டீ தீவுகள், செசுட்டர்பீல்டு தீவுகள், பெலெப் தீவுக்கூட்டம், மற்றும் பல சிறிய தீவுகளும் உள்ளன.[4] செசுட்டர்பீல்டு தீவுகள் பவளக் கடலில் அமைந்துள்ளது.[5]
நியூ கலிடோனியா
| |
|---|---|
 கொடி | |
| குறிக்கோள்: "Terre de parole, terre de partage"[1] "பேச்சின் நிலம், பங்கீட்டின் நிலம்" | |
| நாட்டுப்பண்: Soyons unis, devenons frères[1] | |
 சின்னம் | |
_(Polynesia_centered).svg) | |
| நிலை | Sui generis சிறப்புக் கூட்டமைப்பு |
| தலைநகரம் | நூமியா 22°16′S 166°28′E / 22.267°S 166.467°E |
| பெரிய நகர் | தலைநகர் |
| ஆட்சி மொழி(கள்) | பிரெஞ்சு |
| பிராந்திய மொழிகள் |
|
| மக்கள் | நியூ கலிடோனியன் |
| சுயாட்சி |  France |
| அரசாங்கம் | சார்பு மண்டலம் |
• தலைவர் | இம்மானுவேல் மாக்ரோன் |
• அரசுத்தலைவர் | பிலிப் கெர்மைன் |
• உயர் ஆணையர் | தியெரி லட்டாஸ்டே |
| சட்டமன்றம் | பிராந்திய காங்கிரசு |
| நிறுவுதல் | |
• பிரான்சுடன் இணைப்பு | 1853 |
• கடல்கடந்த மண்டலம் | 1946 |
• சிறப்பு கூட்டு | 1999 |
| பரப்பு | |
• மொத்தம் | 18,576 km2 (7,172 sq mi) |
• நிலம் | 18,275 km2 (7,056 sq mi) |
| மக்கள் தொகை | |
• 2017 மதிப்பிடு |  278,500 (182-வது) |
• அடர்த்தி | 14.5/km2 (37.6/sq mi) (200-வது) |
| மொ.உ.உ. (பெயரளவு) | 2011 மதிப்பீடு |
• மொத்தம் | US$9.89 பில்.[2] |
• தலைவிகிதம் | US$38,921[2] |
| நாணயம் | CFP franc (XPF) |
| நேர வலயம் | ஒசநே+11 |
| வாகனம் செலுத்தல் | வலது |
| அழைப்புக்குறி | +687 |
| ஐ.எசு.ஓ 3166 குறியீடு | NC |
| இணையக் குறி | .nc |
நியூ கலிடோனியாவின் நிலப்பரப்பு 18,576 சதுரகிமீ ஆகும். மக்கள்தொகை 268,767 ஆகும் (ஆகத்து 2014 கணக்கெடுப்பு)[6] இவர்களில் நியூகலிடோனியாவின் பழங்குடியினர் கனாக்கு மக்கள் எனப்படுவோர், ஐரோப்பியக் குடியேறிகள், பொலினீசிய மக்கள் (குறிப்பாக வலிசியர்), மற்றும் தென்கிழக்காசியர், சிறிய அளவு வடக்கு ஆப்பிரிக்க வம்சாவழியினரும் அடங்குவர்.. இதன் தலைநகரம் நூமியா ஆகும்.[3]
1986 ஆம் ஆண்டு முதல் குடியேற்றங்களை இல்லாதொழிப்பதற்கான ஐக்கிய நாடுகளின் ஆணையம் நியுகலிடோனியாவை சுயாட்சியற்ற மண்டலமாகப் பட்டியலிட்டு வருகிறது.[7] 1987 இல் இங்கு மக்கள் கருத்துக்கணிப்பு மேற்கொள்ளப்பட்டதில், பெரும்பான்மையான மக்கள் விடுதலைக்கு எதிராக வாக்களித்தனர். இரண்டாவது தடவையாக 2018 நவம்பர் 4 இல் இடம்பெற்ற மக்கள் கருத்துக் கணிப்பில்[8][9] 56.9% மக்கள் பிரான்சுடன் இணைந்திருக்க விருப்பம் தெரிவித்தனர்.[10] 2020 இல் நடந்த வாக்கெடுப்பில் 53.3% மக்கள் விடுதலைக்கு எதிராக வாக்களித்தனர். இறுதியாக, 2021 நவம்பர் 12 இல் நடந்த வாக்கெடுப்பில் 96.49% மக்கள் விடுதலைக்கு எதிராகவும், 3.51% மக்கள் ஆதரவாகவும் வாக்களித்தனர்.[11] பழங்குடிகளான கனாக்கு மக்கள் கோவிட்-19 பெருந்தொற்றைக் காரணம் காட்டி இவ்வாக்கெடுப்பைப் புறக்கணித்தனர்.[12][13]
வரலாறு
நியூகலிடோனியாவில் ஆரம்பகால மனிதக் குடியேற்றங்கள் கிமு 1600 முதல் கிபி 500 (லப்பித்தா காலத்தில்) இடம்பெற்றது.[14] லப்பித்தா மக்கள் பசிபிக் பிராந்தியத்தில் மிகவும் திறமை வாய்ந்த மாலுமிகளாகவும் வேளாண்மையில் சிறந்து விளங்கியதாகவும் அறியப்படுகிறது.[15]
_warriors_posing_with_penis_gourds_and_spears,_New_Caledonia.jpg)
பிரித்தானிய நாடுகாண் பயணி கப்டன் ஜேம்ஸ் குக் முதன்முறையாக நியூகலிடோனியாவை 1774 செப்டம்பர் 4 இல் தனது இரண்டாவது கடற்பயணத்தின் போது கண்ணுற்றார்.[16] இசுக்காட்லாந்தின் நினைவாக இதற்கு "புதிய கலிடோனியா" என அவர் பெயரிட்டார்.[16] கிராண்ட் டெரே தீவின் மேற்குக் கரையை 1788 இல் கொம்டே டி லப்பேரோசு என்பவர் கண்டுபிடித்தார். லோயால்ட்டி தீவுகளுக்கு வில்லியம் ராவென் என்பவர் 1793-96 இல் பயணம் செய்தார்.[17]
குறிப்புகள்
மேற்கோள்கள்
வெளி இணைப்புகள்
- New Caledonia : picture post card beautiful – Official Government of France website (in English)
- Tourism New Caledonia