Stonehenge

Stonehenge ass e prehistoresscht Monument, 3 km westlech vun Amesbury, an der Salisbury Plain am Wiltshire, an England. Et besteet aus engem baussechte Rank vu vertikale Monolithen, vu ronn 4 m Héicht an 2,1 m Breet, déi jee ëm déi 25 Tonne weien; mat uewendrop horizontale Steng. Bannendrtan ass e Rank vu méi klenge Steng (Bloe Steen). An der Mëtt ass en Trilithon, d. h. zwéi vertikal Steng, déi mat engem horizontalen, deen drop läit, verbonne sinn.

Stonehenge

Land	Vereenegt Kinnekräich
Koordinaten	51°10'44,00"N, 1°49'34,00"W
Statut	Weltierwen
Datum vum Bau	30. Joerhonnert v. Chr.
Ofgerappt oder zerstéiert	1400 v. Chr.

Dee ganze Site, deen haut just nach eng Ruin ass, ass nom Sonnenopgang vun der Summer-Solstice an dem Sonnenënnergank vun der Wanter-Solstice ausgeriicht.

Archaeologe ginn dervun aus, datt Stonehenge an e puer Phasen, tëscht 3100 v.Chr. a 1600 v. Chr., ugeluecht gouf, woubäi de groussen, baussechte Krees tëscht 2600 an 2400 v. Chr. opgeriicht gouf. De rankfërmegen Hiwwel a Gruef ronderëm d'stenge Konstruktioun ass den eelsten Deel, vun ongeféier 3100 v. Chr. D'Blo Steng hirersäits goufen tëscht 2400 an 2200 v. Chr. dohi gesat,^[1] ma kéinten och schonn ëm 3000 v. Chr. do gestanen hunn.^[2]

Stonehenge ass eng vun de bekanntsten archeologesche Plazen am Vereenegte Kinnekräich a steet zanter 1882 ënner Monumenteschutz,^[3]> 1986 gouf et vun der UNESCO op d'Lëscht vun de Weltierwen opgeholl.

Méiglecherweis war Stonehenge vun Ufank un eng Grafplaz.^[4]