De Mulders

Dit artikel is gesjreve (of begós) in 't Zjwaams. Laes hie wie v'r mit de versjillende saorte Limburgs ómgaon.

De Mulders is ein vastelaovesvereiniging oet Zjwame diej in 1995 is ópgerich.

De Mulders äöpene idder jaor de vastelaovindj in Zjwame, door 'n nuje Mulder oet te rope, de meule aan te sjlingere en 11 knónsjeut aaf te vure op 11 november.

De vereiniging is bedach door inkele leje van V.V. De Hopsjlokkers, diej vónje det d'r 'n nuje opzèt veur de äöpening van 't vastelaovessezoen in Zjwame mos komme. Toet op det moment waerde allein op ein ludieke meneer ingesjpeeld op aktuele situasies in 't dörp en waerde d'r om 11 oer 11 in 't Hopsjlokkerspelies geproos op de äöpening van 't vastelaovessezoen.

De Mulders zin inmiddels ein begrip gewaore binne de Zjwamer vastelaovindj, en ziej höbbe in 2016 häör 2x11 jubelejum gevierd.